14:18, 24 Мамыр 2017 | GMT +6
Талдықорғанда республикалық жас ақындар айтысы басталды
ТАЛДЫҚОРҒАН. ҚазАқпарат - Талдықорғанда «Рухани жаңғыру, жастық жігермен» атты республикалық ақындар айтысы шымылдығын түрді, деп хабарлайды Қазақпарат тілшісі.
Елбасы Нұрсұлтан Назарбаевтың "Болашаққа бағдар: руxани жаңғыру" мақаласы аясында өтіп жатқан сайыстың мақсаты - жастар арасында ұлттық өнердің аясын кеңейту. Жыр додасына еліміздің жас айтыскерлері Əсет Дүйсебай - Жамбыл облысы, Талғат Мықи - Батыс Қазақстан облысы, Мұрадым Мирланов - Батыс Қазақстан облысы, Диас Төлепберген - Астана, Бек Шмат - Қызылорда облысы, Тоба Өтепбаев - Арқалық қаласы, Таңжарық Ержан - Ақмола облысы, Нұрмұхаммед Байсүгіров - Қарағанды, Жалғас Садық - Алматы облысынан қатысып жатыр.
Дүбірлі додаға әділқазы алқалары Айнұр Тұрсынбаева, Балғынбек Имашев, Серікзат Дүйсенғазы, Сара Тоқтамысова сынды айтыскерлер төрелік етуде.