+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Талдықорғанда пайдалануға берілген 159 пәтерлі үйде не жарық, не су жоқ

2018 жылғы 7 қыркүйек 14:39
Бөлісіңіз:
Талдықорғанда пайдалануға берілген 159 пәтерлі үйде не жарық, не су жоқ

ТАЛДЫҚОРҒАН. ҚазАқпарат - Талдықорғанда жаңадан пайдалануға берілген көпқабатты үйде жарық, су, газ жоқ. Тұрғындар «Нұрлы жол» мемлекеттік бағдарламасымен салынған үйдің сылақтары түсіп, сапасы да сын көтермей жатқанын айтуда, деп хабарлайды ҚазАқпарат тілшісі.

Талдықорған қаласы әкімдігінің баспасөз қызметінен мәлім еткендей, 159 пәтердің шамамен 90-ына кілттер берілген. Бірақ сөздерінше, бұл жерге 20-дан аса отбасы ғана көшіп келген. Ал тұрғындар болса, еш жағдай жасалмаған үйде амалдың жоқтығынан тұрып жатқандарын айтады.

«Осы айдың аяғында мына үйдің ақшасы келеді. 45 мың теңге төлеуім керек. Ал жалдап тұрған пәтерге тағы 50 мың теңге төлеуім керек. Ол жақта тұрып жатқан үйіміз көгеріп кеткен. Бала-шағаны қайда апарарымызды, не істейтінімізді білмейміз», - дейді талдықорғандық Руфа Тоқпақова.

Ал әкімдік өкілдері Тұрғын үй құрылыс жинақ банкі арқылы берілген пәтерлердегі жарық мәселесі бірінші кезекте шешілетінін жеткізді.

«Талдықорған қаласы әкімінің орынбасары осы мәселе бойынша мердігер компания өкілдерімен кездесу өткізді. Ертең сағат 10:00-де тұрғындармен кездесу болады. Жарық, су, газ мәселесі шешіледі. Жарық бойынша ертеңге дейін шешіліп қалуы мүмкін. Ерекше атап өткім келеді, қоныс иелеріне пәтердің кілттерін әкімдік емес, Тұрғын үй құрылыс жинақ банкі таратып берген», - деді Талдықорған қаласы әкімінің баспасөз қызметінің өкілі Данияр Жаныс.

Данияр Жаныс тұрғындардың жарықсыз қалуына электр тогын есептегіш құралдың жоғалып кетуімен түсіндірді. Ал тұрғындар жақын уақытта нәтиже болмаса сотқа шағым түсіретіндерін айтады.

Біздің каналымызға жазылыңыз:

Бөлісіңіз:

Автор:

Самал Қабышева

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT