Талдықорғанда ғимаратқа мина қойылды деп жалған хабар берген ер адам ұсталды
2022 жылғы 17 тамыз 00:41

Талдықорғанда ғимаратқа мина қойылды деп жалған хабар берген ер адам ұсталды

НҰР-СҰЛТАН. ҚазАқпарат – Талдықорған қаласында полиция департаменті ғимараттарының біріне мина қойылды деп қоңырау шалып, жалған хабар таратқан ер адам ұсталды, деп хабарлайды ҚазАқпарат Polisia.kz-ке сілтеме жасап.

«Бүгін сағат 18:30 шамасында Талдықорғандағы облыстық полиция департаменті әкімшілік ғимараттарының біріне мина қойылғаны туралы қоңырау келіп түсті. Хабардан соң жеке құрам ғимараттан эвакуацияланды. Оқиға орнына саперлер, кинологтер мен басқа да мамандар жіберілді. Олар ғимаратты толық тексерді», - делінген хабарламада.

Тексеру барысында хабар расталмады. Яғни ғимараттан мина табылған жоқ.

«Мина туралы қоңырау шалған азамат анықталды. Ол 1978 жылы туған жергілікті тұрғын болып шықты. Ер адам мас күйде болған. Азамат ұсталып, қалалық полицияға жеткізілді», - дейді ведомстводан.

Сондай-ақ, ресми ақпаратта аталған факті бойынша тергеудің басталғаны айтылған.


Серіктестер жаңалықтары

Jańalyqtar

Үрдіс

MURAǴAT