Қолданушы баптаулары
Қолданушы баптаулары
+7 (701) 759 90 19 Лента
USD 377.62 EUR 426.03
RUB 5.67 CNY 55.78
Jańalyqtar

Таеквондодан Қазақстан чемпионаты Шымкентте өтеді

2018 жылғы 8 қараша 12:30 583
Бөлісіңіз:
Таеквондодан Қазақстан чемпионаты Шымкентте өтеді

АСТАНА. ҚазАқпарат - 9 қараша күні Шымкент қаласында таеквондодан Қазақстан біріншілігі басталады, деп хабарлайды ҚазАқпарат.

ҚР Ұлттық олимпиадалық комитетінің баспасөз қызметі хабарлауынша, ел чемпионатына барлық аймақтан жалпы есебі 235 спортшы қатысады.

Жыл сайын өтетін ұлттық біріншіліктен соң спортшылар чемпиондық атақты иеленіп қана қоймай, Қазақстан құрамасына шақырту алады. Сол себепті, жастардың да, тәжірибелі таеквондошылардың да жеңімпаз атануға бар күшін салары анық.

Қазақстан біріншілігіне ұлттық құраманың үздіктері қатысады. Тек, Тайбей Президентінің кубогінде бақ сынайтын Руслан Жапаров, Смайыл Дүйсебай, Нұрлан Мырзабаев пен Жансель Дениз жарыстан босатылған.

Сондай-ақ, жасөспірімдер арасында жақсы жетістігімен көзге түскен спортшыларға ересектер арасында сынға түсуге рұқсат етілді. Халықаралық турнирлердің жеңімпазы Шыңғыс Сәндібаев пен Қаби Мақсат ұлттық чемпионатта өз мықтылығын дәлелдемек.

 

 

Біздің каналымызға жазылыңыз:

Басты сөздер: Спорт, Шымкент,
Бөлісіңіз:

Автор:

Күнсұлтан Отарбай

Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Кожакелдиев Е.
Кожакелдиев Е.
954-059
MURAǴAT