Қолданушы баптаулары
Қолданушы баптаулары
+7 (701) 759 90 19 Лента
USD 379.36 EUR 424.47
RUB 5.88 CNY 54.95
Jańalyqtar

Сыртқы істер министрі Корея Республикасының елшісін қабылдады

2019 жылғы 19 сәуір 11:32 371
Бөлісіңіз:
Сыртқы істер министрі Корея Республикасының елшісін қабылдады

НҰР-СҰЛТАН. ҚазАқпарат - Қазақстан Республикасының Сыртқы істер министрі Бейбіт Атамқұлов Оңтүстік Кореяның Президенті Мун Чжэ Иннің Қазақстанға жасайтын алдағы мемлекеттік сапарына байланысты Корея Республикасының Қазақстандағы Елшісі Ким Дэ Сикті қабылдады. БҰл туралы ҚР Сыртқы істер министрлігінің баспасөз қызметі хабарлады.

Ұқсас жаңалықтар
Қазақстан-Түркия тауар айналымын $10 млрд жеткізуге болады - Мевлют Чавушоғлу Бейбіт Атамқұлов: Қазақстан - Түркия тауар айналымы 50 пайызға өсті

Кездесу барысында министр Корея Республикасы Президентінің Қазақстанға мемлекеттік сапары елдеріміздің арасындағы стратегиялық серіктестіктің орнауының 10 жылдығы қарсаңындағы екіжақты қарым-қатынастардың маңызды оқиғасы болатындығын атап өтті.

Сонымен қатар, тараптар бірқатар маңызды іс-шараларды, оның ішінде ҚР Тұңғыш Президенті - Елбасы Нұрсұлтан Назарбаев, Қазақстан Президенті Қасым-Жомарт Тоқаев және ҚР Премьер-Министрі Асқар Маминмен кездесулерді көздейтін сапар бағдарламасының ауқымдылығын атап өтті.

Қазақстан-Корея бизнес-форумын ұйымдастыруына ерекше назар аударылып, оның шеңберінде бірқатар екі жақты коммерциялық құжаттарға қол қою, сондай-ақ өнеркәсіп, ауылшаруашылық, инфрақұрылым, медицина және цифрландыру саласындағы бірлескен инвестициялық жобалар мен бастамалардың көрмесін ұйымдастыру жоспарланып отыр.

Сондай-ақ, екіжақты қарым-қатынастардың өзекті мәселелері мен Корей түбегіндегі жағдай бойынша пікір алмасты.

Қазақстан мен Корея арасындағы дәстүрлі достық қарым-қатынастарды одан әрі нығайтудың әртүрлі аспектілеріне, оның ішінде өзара тиімді сауда-экономикалық және мәдени-гуманитарлық байланыстарды дамыту мәселелеріне тоқталды.

Тараптар Қазақстан мен Оңтүстік Корея арасындағы екі жақты сауда көлемінің өсуіне ерекше көңіл бөлді, атап айтқанда тауар айналымы 2018 жылы 3,9 млрд. АҚШ долларын құрады, оның ішінде Қазақстаннан экспорт 2,9 млрд. долларға, ал Оңтүстік Кореядан импорт 922 млн. долларға жетті.

2005 жылдан 2018 жылға дейінгі кезеңде Оңтүстік Кореядан Қазақстан экономикасына тікелей шетелдік инвестициялардың жалпы ағыны 5 млрд. АҚШ долларын құрады. Бүгінгі күні Қазақстанда Оңтүстік Корея капиталы бар 500-ге жуық компания жұмыс істейді. Соңғы жылдары Hyundai, LG, Samsung, Lotte Confectionery, SK, Dongil Highvill сияқты компаниялар Қазақстанда табысты жұмыс атқаруда.

 

 

 

 

 

 

 

 

 

Біздің каналымызға жазылыңыз:

Бөлісіңіз:
Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
MURAǴAT