Валюта бағамдары:
    usd/kzt 476.71 eur/kzt 467.03

    rub/kzt 8.36 cny/kzt 67.1
Ауа райы:
Нұр-Сұлтан: +2+4℃
  Jańalyqtar  >

Сырдария өзенінің сағасын қалпына келтіру жұмысы 2023 жылы басталады

2022 жылғы 10 тамыз 14:35

НҰР-СҰЛТАН. ҚазАқпарат – Сырдария өзенінің сағасын қалпына келтіру жұмысы 2023 жылы басталады. Бұл жайында Сенат депутаттарының сауалына ҚР Премьер-Министрі Әлихан Смайыловтың жауабында айтылған, деп хабарлайды ҚазАқпарат тілшісі.

«Бүгінгі күні Сырдария өзенінің арнасын реттеу және Арал теңізінің солтүстік бөлігін сақтау жөніндегі жобаның бірінші кезеңі (САРАТС-1) аясында салынған Көкарал бөгеті қайта жаңартуды талап етеді. Су көлемі 27 млрд текше метр болатын шағын Арал теңізінің бір облыста ғана емес, әлеуметтік-экономикалық дамуға айтарлықтай әсер ететінін ескере отырып, Мемлекет басшысы 2019 жылы Үкіметке шағын Аралды сақтау бойынша іс-шаралар қабылдауды тапсырды», - деп атап өтеді Үкімет басшысы жауабында.

Премьер-Министр бұл мәселе Үкіметтің бақылауында тұрғанын баса айтады.

«Осыған байланысты, 2020 жылы «Көкарал бөгетін сақтау және Сырдария өзенінің сағасын қалпына келтіру» жобасының жобалау-сметалық құжаттамасын әзірлеуге республикалық бюджеттен 100,5 млн теңге бөлінді. Бүгінгі таңда жобалық-сметалық құжаттама әзірленді. Жобаның ЖСҚ-сына мемлекеттік сараптама қорытындысы осы жылдың қыркүйек айында шығуы керек. Құрылыс-монтаж жұмыстарын 2023 жылы бастау жоспарланып отыр», - деді Әлихан Смайылов.


Ашық көздерден алынған фото

Автор:

Марлан Жиембай

Новости по теме
Ұқсас жаңалықтар
Серіктестер жаңалықтары