+7 (701) 759 90 19
USD 389.86 EUR 435.32
RUB 6.12 CNY 55.12
Jańalyqtar

Сыр елінен 500 тонна күріш Иранға экспортталады

2019 жылғы 13 ақпан 16:29
Бөлісіңіз:
Сыр елінен 500 тонна күріш Иранға экспортталады

ҚЫЗЫЛОРДА. ҚазАқпарат - Ирандық күріш сортының алғашқы 500 тоннасы биыл экспортталады, деп хабарлайды ҚазАқпарат облыс әкімдігінің баспасөз қызметіне сілтеме жасап.

2018 жылы күрішшілер су тапшылығына қарамастан, 473 мың тонна өнім жинап, Моңғолия, Түркия және Ауғанстан нарықтарын игеріп жатыр.

«Өткен жылы өңірде дәстүрлі өнімнен бөлек Иранға экспортқа шығару үшін күріштің ирандық сортын өсіру басталды. Қазіргі уақытта бірінші партия - 500 тонна ирандық күріш сортын киллограмы - 810 теңгеден, яғни бүгінгі экспорттық бағадан 4 есе жоғары бағада жөнелту жөнінде келіссөздер жүріп жатыр», - делінген хабарламада.

Сонымен қатар, егіншілікті дамыту суармалы жерлермен шектелгенін ескере отырып, мол өнім беретін және суды аз қажет ететін дақыл алқаптарын көбейтуге, сондай-ақ, мал шаруашылығын дамыту үшін жем және азықтық дәнді дақылдар алқаптарын ұлғайтуға басымдық беріледі.

2018 жылы күріш алқаптары 3 мың гектарға кеміді, ал майлы дақылдар, атап айтқанда мақсары - 2013 жылы 1659 гектардан 2018 жылы 8404 гектарға дейін ұлғайды. Бұл мақсары майын өндіріп, 2018 жылы бірінші рет осы өнімнің 50 тоннасын Қытай нарығына шығаруға мүмкіндік берді. Қытайға жыл сайын 2,4 мың тоннадан кем емес мақсары майын жеткізу бойынша келісімшарт жасалды. Осының есебінен өсімдік шаруашылығы өнімдері экспорты 28% өседі.

Өткен жылдан бастап аймақта соя және азықтық дақылдар - судан шөбі, қант құмай сияқты мол дақылдарды енгізу жұмыстары басталды. Биыл күріш алқаптары тағы 2171 гектарға азайып, 4068 гектарға азықтық және 1293 гектарға картоп, көкөніс, бақша дақылдары егіледі.

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT