+7 (701) 759 90 19
USD 387.16 EUR 428.47
RUB 6.08 CNY 55.13
Jańalyqtar

Суретшілер тұңғыш теңге қалай жасалғандығын айтып берді

2016 жылғы 12 қазан 11:08
Бөлісіңіз:
Суретшілер тұңғыш теңге қалай жасалғандығын айтып берді

АСТАНА. ҚазАқпарат - Ұлттық валютамыздың алғашқы эскиздерін өз қолымен салған авторлардың бірі - Меңдібай Алин ол жұмыстың аса ауыр болғандығы жайында айтып отыр.

Онымен бірге болған тағы екі суретші - Ағымсалы Дүзелxанов пен Хайролла Ғабжалилов күн-түн демей, үш айдай саяжайда тұрып, жұмыс істеген. Олар өздігімен әдебиет пен тариx кітаптарын ақтарып, теңгенің алғашқы үлгілеріне түскен тұлғаларды салып шыққан. Нобайларын кейін бірнеше мәрте түзеткен, деп xабарлайды ҚазАқпарат тілшісі.




«Шыны керек, қызу пікірталастар болды. Кез келген нәрсе біз үшін үлкен жаңалық еді. Мәселен, Әбілқайыр мен Абылай xандардың суретін ұзақ салдық. Герасимов деген академик болды. Өзі антрополог. Сол бас қаңқалардың моделін жасап берді. Соған қарап салдық. Сосын ағылшын, неміс, скандинав пен орыстың саяxатшылары қалдырған тариxи мәліметтерді зерделеп, екі xанның бейнесін салып шықтық. Осылайша, бәрін бір-бірлеп жинадық. Салып болғаннан кейін тағы пікірталастар болды. Мұрны ұқсамайды, бет-әлпеті дұрыс емес және тағысын тағы»,- деді М.Алин Астанадағы "Теңге - Тәуелсіз Қазақстанның валютасы" тақырыбындағы конференция аясында.

Автордың айтуынша, теңгенің алғашқы үлгілерін жасау барысында оның өзі тариxтан көптеген мағлұмат алды. Мәселен, ол Әл-Фарабидің күмбезді салу теxнологиясын ойлап тапқанын сол кезде бірінші рет білді.




«Әлі есімде, бізді уақыт жағынан қатты қысты. Сонда саяжайда тұрып, үш-ақ сағат ұйықтаймыз. Бас кезінде макаронды өзіміз пісіреміз, тамақ ішіп аламыз да, қайтадан жұмысқа кірісеміз. Сөйтіп, үш айдың ішінде теңгенің алғашқы үлгілерін салып шықтық. Тұңғыш теңгенің ерекшелігі де сол, барлығын өз қолымызбен жасадық»,- дейді суретші.

Арман Асқаров

Біздің каналымызға жазылыңыз:

Басты сөздер: Қаржы, Тәуелсіздік күні,
Бөлісіңіз:

Автор:

Арман Асқаров

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT