+7 (701) 759 90 19
USD 413.12 EUR 452.86
RUB 5.82 CNY 57.92
Jańalyqtar

Сұлтан Бейбарыс туралы комикс шықты

2020 жылғы 7 сәуір 13:14
Бөлісіңіз:
Сұлтан Бейбарыс туралы комикс шықты

АЛМАТЫ. ҚазАқпарат - Жат жерде ерекше ерлігімен көзге түсіп, әлем тарихындағы көрнекті тұлғалардың біріне айналған Сұлтан Бейбарыс туралы комикс шығарды, деп хабарлайды ҚазАқпарат тілшісі.

«Балабақша тәрбиеленушілері мен мектеп оқушыларына арналған комиксте қайраткер өмірінің әр кезеңдері қарапайым тілмен жазылып, бейнеленген. Тұңғыш рет қолға алынған бастама «Ұлы даланың ұлы тұлғалары» сериясы бойынша жарық көріп отыр. Идея авторы – Қыздар университетінің ректоры, педагогика ғылымдарының докторы, профессор Гаухар Алдамбергенова. Шығармашылық жұмыспен оқу орнының ғалымдары мен студенттері айналысты», – деді Қазақ ұлттық қыздар педагогикалық университетінің ресми өкілі Жандар Асан.

Шығармашылық ұжым алдағы уақытта осы серия бойынша қазақ тарихында өзіндік дара орны бар тұлғалар туралы тағы да бірнеше туындыны шығару жоспарлап отыр.

«Хорезм билеушісі Мамун ибн Мұхаммед Тала қартайған шағында Жамақ және Лама атты перзенттерінің ішінен тақ мұрагерлігіне Жамақты лайық көреді. Бұған қарсылық білдірген Лама өз бауырынан кек алуды көздейді. Ал Жамақтың баласы Бейбарыс екеуара қарсылықтың құрбанына айналады. Осы тарихи аңыздың толық нұсқасы комиксте егжей-егжейлі қысқа әрі нұсқа түрде берілген. Комикс жас оқырмандарға арналғандықтан оқиғалар желісі көпшілік үшін түсінікті болады деп ойлаймыз», – депді комикс авторлары.

«Ұлы даланың ұлы тұлғалары» комикстер сериясы университеттің жанындағы «Рухани жаңғыру» жобалық кеңсесінде дайындалды. Енді болашақта туындылар еліміздің балабақшалары мен мектептеріне таратылады.

«Бұл бастама арқылы төл тарихымыздағы елеулі орны бар ардақты азаматтар мен ел анасына айналған әйелдерді кеңінен дәріптеуді мақсат тұтамыз. «Өткенін еске алған өскендіктің белгісі, өткенін ұмытқан өшкендіктің белгісі« деген ұлағатты ұстанымда өскелең ұрпақтың тарихи жадын жаңғыртуды көздейміз», – деді Жандар Асан.

Айта кетейік, Бейбарыс Жамақұлы 1223 жылы дүниеге келген. Түркі әулеті Бахриден шыққан мамлюктердің Мысырды билеген төртінші сұлтаны. Оны тарихи шығармаларда Бейбарыс, Бибарыс деп те атайды. Кезінде жат елге құл болып сатылып барса да, тектілігін танытып, қажымас қайраттың, мұқалмас жігердің үлгісін көрсетіп, билік басына көтерілген мәмлүк қыпшақтардың рухы тек арада жеті ғасыр өткенде ғана барып, Бейбарыс есімі арқылы атамекеніне оралды. Қазір өзінің кіндік қаны тамған жерінде – Жайық өзенінің жағасындағы Атырау қаласында биік тұғырға орныққан Бейбарыстың ескерткішке айналған алып тұлғасы тәуелсіз елдің арайлы таңын жерлестерімен бірге қарсы алып, өшпес айғағындай болып асқақ тұр.

Құлдықтан шығып қайраткерлік деңгейге көтерілген тұлға туралы бұған дейін бірнеше кинофильм мен деректі кітап жарық көрген болатын.


Біздің каналымызға жазылыңыз:

Басты сөздер: Қазақстан тарихы,
Бөлісіңіз:

Автор:

Гүлмира Ғосманәли

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT