Суданда денге безгегінен 26 адам қайтыс болды

ХАРТУМ. СИНЬХУА-ҚазАқпарат – Суданның денсаулық сақтау органдары сәрсенбіде денге індетінің өршуінен 26 адам қайтыс болғанын мәлім етті, деп хабарлайды ҚазАқпарат Синьхуа агенттігіне сілтеме жасап.

Судан Денсаулық сақтау министрлігінің Денсаулық сақтау және эпидемиялық бақылау жөніндегі төтенше жағдайлар басқармасының басшысы Монтасир Мұхаммед Осман тоғыз штатта 26 өлім, денге індетінің 462 расталған және 3439 болжамды жағдайы тіркелгенін айтты.

Ауырғандардың көбі Солтүстік Кордофан, Батыс Кордофан және Солтүстік Дарфурда кездеседі.

Министрлік Штаттардағы індетпен күресу үшін арнайы топтар жіберуді, сондай-ақ адамдарды дәрі-дәрмекпен және донорлық қанмен қамтамасыз етуді, күнделікті мониторинг пен тергеуді жүзеге асыруды, инфекциялар мен болжамды жағдайлар туралы хабарламалар беру үшін байланыс нөмірін құрумен қоса басқа да қажетті шараларды қабылдады, деп қосты ол.

БҰҰ қазан айынан бері Суданда денге безгегінің 1068 жағдайы тіркелгенін хабарлады.

Фото: reuters.com