+7 (701) 759 90 19 Лента
USD 385.42 EUR 424.58
RUB 6.00 CNY 54.31
Jańalyqtar

Судьялардың қызметтен кетуі неліктен жиіледі - Асанов себебін атады

2019 жылғы 10 шілде 17:46
Бөлісіңіз:
Судьялардың қызметтен кетуі неліктен  жиіледі - Асанов себебін атады

НҰР-СҰЛТАН. ҚазАқпарат - Бүгін судьялардың кеңейтілген кеңесінде ҚР Жоғарғы сотының төрағасы Жақып Асанов судьялардың жұмыстан кету себептерін атады, деп хабарлайды ҚазАқпарат тілшісі.

«Жалпы сот жүйесінің ең басты мәселесі, бір ғана проблемасы бар деп ататын болсақ, ол - судьялық кадрлар. Биылға дейін судьялыққа мықты заңгерлер ұмтылмайтын. Неге? Өйткені, біздің бар қиыншылығымызды, жалақымыз төмен екендігін, жүктеме көп екендігін біледі. Тіпті прокурорлар да, адвокаттар да, басқа загерлер де сотқа келгісі жоқ. Сонда «судья боламын деп конкурсқа қатысып жатқандар кімдер?» деген сұрақ туады. Олардың басым көпшілігі соттағы техникалық қызметкерлер - сот хатшылары», - деді ол 2019 жылдың 1 жарты жылдығындағы сот төрелігін жүзеге асыру қорытындысы қаралған кеңесте.

Сонымен қатар, ол аталған қиыншылықтарға шыдамай жасы зейнетке жетпесе де өз еркімен жұмыстан шығып кететін судьялар қатары көп болғанын айтты.

«Жоғарғы сот кеңесінің отырысында әрбір адамды өз еркімен жұмыстан шығару мәселесі қаралады. Біз сонда одан «себебі қандай?» деп сұраймыз. Негізінен екі-ақ себеп айтады. «Алдымен жалақы аз, одан кейін жеке өмірге уақыт жоқ» дейді. Өйткені, күніне әрбір судья 10 шешім қабылдайды. Үшінші себеп те бар. Нұр-Сұлтан, Алматы, Шымкент қалаларына, облыс орталықтарына ауысу, басшылық қызметке тағайындалу бойынша сот жүйесінің ішінде әділдік болмағанын алға тартады», - деді Жоғарғы сот төрағасы.

Біздің каналымызға жазылыңыз:

Басты сөздер: ҚР Жоғарғы соты,
Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT