USD 434.24 EUR 492.69
RUB 5.67 CNY 68.46
Jańalyqtar

Субсидиялар түпкілікті нәтижеге қол жеткізуге бағытталады - АШМ

2021 жылғы 3 желтоқсан 12:18
Бөлісіңіз:
Субсидиялар түпкілікті нәтижеге қол жеткізуге бағытталады - АШМ

НҰР-СҰЛТАН. ҚазАқпарат – Субсидиялар беру тетігін одан әрі жетілдірілу мәселесі цифрландырудың жаңа платформасын енгізу арқылы жүзеге асырылады. Бұл туралы Сенаттағы парламенттік тыңдауда Ауыл шаруашылығы министрі Ербол Қарашөкеев мәлім етті, деп хабарлайды ҚазАқпарат тілшісі.

Ұқсас жаңалықтар
Андрей Лукин діни экстремизммен күрес шараларын ұсынды Сенатор жұмыссыздық туралы деректерге сенімсіздік танытты Сенат стандартты үлгілерді дамытатын келісімді ратификациялады

«Субсидиялау жүйесі, ең алдымен, оның тетіктерін оңайлату және бағыттарды оңтайландыру, барлық субъектілер үшін тең қолжетімділікті қамтамасыз ету есебінен реформаланатын болады. Бұдан басқа, субсидиялар түпкілікті нәтижеге қол жеткізуге бағытталатын болады. Сондай-ақ, субсидия алушылар нақты индикативтік көрсеткіштерге қол жеткізу үшін тиісті міндеттемелерді қабылдайтын норма енгізіледі.

Мұнымен қоса, субсидиялар беру тетігін одан әрі жетілдірілу мәселесі цифрландырудың жаңа платформасын енгізу арқылы жүзеге асырылады. Ең маңыздысы, бұл қызмет шаруалар үшін ақысыз түрде көрсетіледі», - деді Е. Қарашөкеев «Ауыл шаруашылығын дамытудың өзекті мәселелері мен перспективалары» тақырыбына арналған парламенттік тыңдауда.

Оның айтуынша, осы істерді атқару мақсатында министрлікте арнайы жұмыс тобы құрылды. Оған салалық қауымдастықтар мен одақтардың, агробизнестің, ғылымның, мүдделі мемлекеттік және жергілікті атқарушы органдардың, оның ішінде сыбайлас жемқорлыққа қарсы қызметтің өкілдері де кірді.

«Қорыта келіп айтқанда, субсидия тетіктерін жетілдіру жұмыстары бізге оның экономикаға тигізер әсерін бағалауға, субсидия алу процесстеріне адами факторлардың ықпалын мейлінше азайтуға және де мемлекеттік қолдаудың тұрақтылығын сақтауға қол жеткізетін болады», - деді министр.

Бұдан бұрын хабарланғандай, Е. Қарашөкеев саланы мемлекеттік қолдау мәселелерінде де елеулі кемшіліктер бар екенін айтты.

Ең алдымен, бұл субсидиялау тетіктерінің күрделілігі, субсидия алудың шарттарының көптігі. Сонымен қатар субсидиялар негізінен ірі бизнес субъектілеріне және де технологиялық процестерді қолдауға бағытталған.


Біздің каналымызға жазылыңыз:

Бөлісіңіз:

Автор:

Руслан Ғаббасов

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT