Су ресурстарын тиімді басқару Орталық Азиядан тыс жерлермен де өзара іс-қимылды талап етеді
«Жаһандық климаттың өзгеруі тұрғысында су ресурстарын тиімді және әділ басқару мәселелері бассейн елдерімен әрі Орталық Азиядан тыс жерлермен бірегей ден қоюды, сондай-ақ тиімді өзара іс-қимылды талап етеді. Энергетикалық және азық-түлік қауіпсіздігі мәселелері де олармен тығыз байланысты. Көші-қон ағындарын басқару, кедейшілікпен күресу, сыртқы экономикалық көмекті тарту және керісінше осындай көмек көрсетудің барлығы көпжақты шеңберде жақсы үйлестіруді талап етеді және біздің ұйым оны қамтамасыз ете алады», - деді Қайрат Сарыбай елордада өтіп жатқан І Орталық Азия медиафорумында.
Осы ретте ол ұйымның 6-саммиті Астанада өткеніне тоқталды.
«Онда екі маңызды құжат қабылданды. Олар: АӨСШК-нің жаһандық терроримзге қарсы стратегиясын жүзеге асыру және ақпараттық-коммуникациялық технологияларды пайдалану арқылы қауіпсіздік саласындағы ынтымақтастық жөніндегі іс-қимыл жоспары. Сіздер АӨСШК қауіпсіздік пен инновацияға қатысты дәстүрлі түсінігін де көре аласыздар», - деді хатшылықтың атқарушы директоры.