Су добынан әлем чемпионатында Қазақстан Бразилиядан басым түсті
2022 жылғы 23 маусым 05:29

Су добынан әлем чемпионатында Қазақстан Бразилиядан басым түсті

НҰР-СҰЛТАН. ҚазАқпарат - Су добынан әлем чемпионатында Қазақстан әйелдер құрамасы Бразилиядан басым түсті, деп хабарлайды ҚазАқпарат тілшісі.

Дүбірлі дода Венгрия астанасы Будапешт қаласында өтіп жатқан су спорты түрлерінен әлем чемпионаты аясында сұйымдастырылуда.

Еліміздің әйелдер құрамасы D тобында Австралия, Жаңа Зеландия және Бразилиямен шеберлік байқасуда.

Бүгінгі кездесуде қазақстандық спортшылар жинақы қимыл көрсетті. Нәтижесінде қарсыласын 10:6 есебімен тізе бүктірді. Бұл топтағы Австралия Жаңа Зеландиядан 11:2 есебімен басым түсті.

Қазақстандық қыздар алғашқы кездесуінде Австралиядан 6:19 есебімен жеңіліп қалды. Енді олар 24 маусымда Жаңа Зеландиямен ойнайды.

Сондай-ақ, әлем чемпионатында D тобында еліміздің ерлер құрамасы Австралия, Сербия, АҚШ құрамалары сынға түсіп жатыр.

Жігіттер алғашқы кездесуінде Австралияға 4:10 есебімен есе жіберіп қойды. Енді ел құрамасы 23 маусымда АҚШ-пен кездессе, 25 маусымда Сербияға қарсы шығады.

Еске салсақ, бұдан бұрын футболдан ел біріншілігінде ойыншылардың жазғы трансферлік мерзімі бекітілді .


Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT