Қолданушы баптаулары
Қолданушы баптаулары
+7 (701) 759 90 19 Лента
USD 386.05 EUR 428.25
RUB 5.84 CNY 54.65
Jańalyqtar

Су добы: Қазақстан қыздары әлем чемпионатында Испаниядан жеңілді

2019 жылғы 16 шілде 12:40 212
Бөлісіңіз:
Су добы: Қазақстан қыздары әлем чемпионатында Испаниядан жеңілді

НҰР-СҰЛТАН. ҚазАқпарат - Оңтүстік Кореяның Кванджу қаласында өтіп жатқан су добынан әлем чемпионатында еліміздің қыздар құрамасы екінші кездесуінде Испаниядан жеңіліп қалды, деп хабарлайды ҚазАқпарат тілшісі.

Испания - су добынан әлемдегі үздік құрамалардың бірі. Олар 2013 жылы чемпиондық тұғырға көтерілсе, 2017 жылы күміс жүлдегер атанды. Қазақстан қыздары испандармен кездесуде 6:18 есебімен жеңіліп қалды. Біздің құрама сынға түсетін С тобындағы тағы бір кездесуде Грекия Кубаны 20:4 есебімен тізе бүктірді.

Естеріңізге сала кетелік, біздің қыздар 14 шілдеде Кубадан 9:6 есебімен басым түскен болатын. Енді олар 18 шілдеде Грекиямен шеберлік байқасады. Аталмыш кездесуде жеңіске жеткен құрама өз тобында екінші орын алады. Нәтижесінде жарысты жалғастыру мүмкіндігіне қол жеткізеді.

Қазақстандық қыздар әлем чемпионатына алтыншы мәрте қатысып жатыр. Олар 2001 жылы сегізінші орын алды. Бүгінгі күнге дейін одан жоғары жетістікке жеткен жоқ.

Қазақстан ерлер құрамасы 15 шілдеде АҚШ-тан 7:16 есебімен жеңіліп қалды. Енді олар 17 шілдеде Австралиямен кездеседі.

Айта кетсек, 12 шілдеде Оңтүстік Кореяның Кванджу қаласында су спорты түрлерінен әлем чемпионаты басталды. Дүбірлі дода 28 шілдеге дейін созылады. Әлем чемпионатында суға секіру, хай-дайвинг, ашық су айдынындағы суға жүзу, суға жүзу, синхронды жүзу, су добынан жарыстар өткізіледі.

 

Біздің каналымызға жазылыңыз:

Басты сөздер: Спорт,
Бөлісіңіз:

Автор:

Әділжан Үмбет

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT