Қолданушы баптаулары
Қолданушы баптаулары
+7 (701) 759 90 19 Лента
Астана: 23 °С
Алматы: 17 °С
USD 341.18 EUR 392.97
RUB 5.34 CNY 52.50
Жаңалықтар

Студенттер жатақханаларды өздері салады

2018 жылғы 6 наурыз 16:42 1434
Бөлісіңіз:
Студенттер жатақханаларды өздері салады

АСТАНА. ҚазАқпарат - ҚР Президенті Нұрсұлтан Назарбаевтың бастамасымен салынатын 75 мың орындық жатақхана құрылысына студенттер де тартылады. Бұл туралы бүгін ҚР Дін істері және азаматтық қоғам вице-министрі Абзал Нүкенов айтты, деп хабарлайды ҚазАқпарат.

«Елбасының 5 әлеуметтік бастамасына байланысты бүгін бірқатар кездесу өткіздік. Түске дейін сарапшылармен кездесіп, ақылдастық. Себебі Мемлекет басшысы бұл бастамаларды жүзеге асыру барысында халықпен кең талқылауды тапсырған болатын. Талқылау барысында бұл үрдіске жастарды кеңінен тарту мәселесіне айрықша назар аудардық. Өйткені, жатақханаларды жастардың өздері-ақ сала алады. Сол арқылы бір жағынан жастарды жұмыспен қамтысақ, екінші жағынан жатақханаларды салу барысында жастармен ақылдаса отырып, оны барынша қолайлы жасар едік. Бұған қоса, жастар табыс та табады», - деді вице-министр С.Сейфуллин атындағы агротехникалық университетте өткен Қазақстан жастары форумы барысында.

Оның айтуынша, қазір еліміздің әрбір аймағында «Жасыл ел» жасақтары бар. Мәселен, былтыр аталған ұйымның 24 мыңнан астам жасы жұмыс істеді. Мұнан бөлек, көптеген аймақтарда құрылыс отрядтары жасақталған.

«Олардың барлығы да жұмыс істеуге дайын деп ойлаймын. Сондықтан ол жастарды жұмысқа тартқаннан ешім ұтылмайды. Қайта жастардың өздері ұтады. Өздері тұратын болғаннан кейін жатақханалар да сапалы салынады», - деді вице-министр.

Сонымен қатар ол сарапшылар кеңесі барысында білім гранттарын жұмысшы мамандықтары тапшы аймақтарға көбірек бөлу жайында да ұсыныстар болғанын атап өтті.

«Біз бұл ұсыныстарды жинақтап, тиісті мемлекеттік органдарға, жергілікті әкімшіліктерге таратамыз. Тағы бір маңызды мәселе кеше Елбасы бұл жұмыстарға мониторинг жасауға «Нұр Отан» партиясын тарту керек деп айтты. Осы жұмыстарға жастарды, жастар ұйымдарын кеңінен тартсақ, нәтижесі оң болатындығына сенімдімін», - деді Абзал Нүркенов.

 


Бөлісіңіз:

Автор:

Марлан Жиембай

Онлайн қызметкерлер
Редактор
Жарылқасын Саягүл
Жарылқасын Саягүл
954-059
Мұрағат