Студенттер полицейлермен бірге жол-көлік апатының алдын алу шарасын ұйымдастырды - Алматы облысы

ТАЛДЫҚОРҒАН. ҚазАқпарат - Алматы облысында жергілікті ЖОО студенттері мен полицейлермен бірге жол-көлік оқиғасынан қаза болғандарды еске алу күніне орай флэш-моб ұйымдастырды.

Аталған шараға Талдықорғандағы оқу ордаларының 120 студенті қатысты. Жастар қаладағы адам көп жүретін жол қиылыстарының бірінде автобустардың қозғалысына кедергі жасамай жол тақырыбындағы танымал әндер шырқап, би биледі, жүргізушілер мен жаяу жүргіншілерге жолда қырағылықты күшейту қажеттігін еске түсіретін қолдан жасалған ертегідегі ақ түсті құс түріндегі кәдесыйларды таратты.