Қолданушы баптаулары
Қолданушы баптаулары
+7 (701) 759 90 19 Лента
USD 378.38 EUR 431.05
RUB 6.02 CNY 55.00
Jańalyqtar

Студенттер металл қалдықтарынан жылқы мен киіз үйдің макетін жасады

2019 жылғы 13 маусым 00:25 806
Бөлісіңіз:
Студенттер металл қалдықтарынан жылқы мен киіз үйдің макетін жасады

НҰР-СҰЛТАН. ҚазАқпарат - Павлодар түсті металлургия колледжінде «Ұрпақтар сабақтастығы - қолөнерде» атты облыстық инсталляция байқауы өтті, деп хабарлайды pavlodarnews.kz.

Ұқсас жаңалықтар
Атқа міну мәдениетін Қазақстан музейлері де қолдайды - Мирболат Ерсаев Батысқазақстандық күйшіге консерваторияның құрметті профессоры атағы берілді

Байқау білім беру басқармасы «Рухани жаңғыру» бағдарламасы, «Ұлы даланың жеті қыры» мақаласын іске асыру шеңберінде ұйымдастырған сайысқа облысымыздағы 10 техникалық және кәсіптік білім беру ұйымының шәкірттері қатысып, 16 жұмыс ұсынды.

- Инсталляция байқауына облыстың «Дәнекерлеу технологиялары» құзіреттілігі бойынша техникалық және кәсіптік білім беру ұйымдарының студенттері «Ұлы даланың жеті қыры» бағдарламасының бір бағыты бойынша жеке немесе ұжым дайындаған жұмыстарын әкелді. Атап айтсақ, атқа міну мәдениеті, Ұлы даладағы ежелгі металлургия, аң стилі, Алтын адам, Түркі әлемінің бесігі, Ұлы Жібек жолы, Қазақстан - алма мен қызғалдақтың отаны атты инсталляцияларды жасауда өз күштерін сынап көрді, - деді облыстық білім беру басқармасы техникалық және кәсіптік білім беру бөлімінің әдіскері Мира Шыңғысова.

Студенттер металл қалдықтарынан жылқы мен киіз үйдің макетін жасады 

Сараптамалық кеңес байқауға қатысушылардың ұсынған жұмыстарының мазмұны мен атқарушылық шеберлігін, ойдың бірегейлігі мен креативтілігін бағалап, «Ұрпақтар сабақтастығы» және «Креативті жоба» номинациясы бойынша жеңімпаздарды анықтады.

«Ұрпақтар сабақтастығы» номинациясында Павлодар техникалық сервис колледжінің студенті Александр Трунов жеңімпаз атанды. Ол металл қалдықтарынан жылқы мен иттің мүсінін жасаған. Жылқының биіктігі 1 метрді құрайды.

Ал, «Креативті жоба» номинациясында металл қалдықтарынан биіктігі 60 сантиметрге жуықтайтын киіз үй жасаған монтаждау колледжінің студенті Юрий Тутаев жеңіске жетті.

Студенттер металл қалдықтарынан жылқы мен киіз үйдің макетін жасады

Жүлдегерлер мен жеңімпаз атанған 6 жас қолөнершіге дипломдар мен бағалы сыйлықтар табыс етілді.

 

 

Біздің каналымызға жазылыңыз:

Басты сөздер: Мәдениет, Павлодар облысы,
Бөлісіңіз:
Загрузка...
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
MURAǴAT