Спорт күні: 10 адам Batler велосипедіне ие болды
Қабанбай батыр көшесі бойындағы Қазақстан рәміздері алаңынан басталған жарысқа мыңға жуық велоспорт шеберлері мен әуесқой спортшылар қатысты. Нәтижесінде қатысушылар арасында Batler маркалы 10 велосипед пен ҚР Ұлттық олимпиада комитетінің символы бар рюкзактар ойнатылды.
Велосипедтердің бірі елорда мектебінің түлегі Елдар Қасеновке бұйырды. Әлеуметтік желіден веложарыс жайындағы хабарландыруды көрген ол спорттық шараға қатысуды жөн көрген. Елдар жеңіп алған жүлдесін ата-анасына тарту етпек.
«Шынымды айтсам мұндай шараға алғаш рет қатысып отырмын және велосипед ұтып алатындығымды күтпеген де едім. Бүгін жолым болды», - деді ол.
Айта кетейік, жарысқа қатысушылар Қабанбай батыр даңғылымен «Астана Арена» стадионына дейінгі 5 шақырым қашықтықты жүріп өтті. Жарысты Астана қаласының әкімдігі, «Астана қалалық мәдениет және спорт басқармасы» ММ, «Спорттық-бұқаралық іс-шараларды өткізу дерекциясы» КММ бірлесе ұйымдастырды.