СПОРТ: А.Слонова универсиаданың екі мәрте чемпионы атанды

АСТАНА. ҚазАқпарат - 31 қаңтар күні Словакияда өтіп жатқан қысқы универсиада қазақстандық шаңғышы Анастасия Слонова үшін аса сәтті болды.

А.Слонова еркін әдіспен 15 километрге жарысуда үздік шықты. Ол мәреге екі шақырымдай қалғанда, өзімен тайталасып келе жатқан ресейлік Светлана Николаева мен поляк Эвелина Маркестен қара үздіріп кетті. Бұл - осымен А.Слонованың төртінші медалі. Ол универсиадада қос алтын, екі күміс жүлдені жеңіп алып отыр. Айта кетейік, қоржынында қазір үш алтын, төрт күміс медаль бар Қазақстан ұлттық құрамасы командалық есепте бұрынғыша екінші орында келеді.