+7 (701) 759 90 19
USD 385.76 EUR 427.89
RUB 6.04 CNY 54.79
Jańalyqtar

Созылмалы обструктивті өкпе ауруынан көз жұматындар саны 30% өсуі мүмкін

2019 жылғы 20 қараша 21:15
Бөлісіңіз:
Созылмалы обструктивті өкпе ауруынан көз жұматындар саны 30% өсуі мүмкін

НҰР-СҰЛТАН. ҚазАқпарат - Дүниежүзілік Денсаулық сақтау ұйымының бастамасы бойынша қарашаның екінші немесе үшінші аптасының сәрсенбісінде әлемнің 50-ден астам елдерінде «Созылмалы обструктивті өкпе ауруына қарсы дүниежүзілік күрес күні» аталып өтеді, деп хабарайды ҚазАқпарат Кардиология және ішкі аурулар ҒЗИ баспасөз қызметіне сілтеме жасап.

«Созылмалы обструктивті өкпе ауруы туралы мәліметті халыққа жеткізу және пациенттерге көрсетілетін көмекті жақсарту бойынша Қазақстанда бірқатар іс-шаралар жүргізіліп жатыр. Денсаулық сақтау мамандары медициналық зерттеулерді, профилактикалық және ақпараттық іс-шараларды, темекі шегуге қарсы күреске бағытталған әртүрлі акцияларды жүргізуде», - дейді Кардиология және ішкі аурулар ҒЗИ-ның кардиотерапия қызметінің басшысы Сәуле Қасенова.

Бұл күннің мақсаты – созылмалы обструктивті өкпе ауруы туралы халықты ақпараттандыру деңгейін көтеру, осы аурудың алдын алу және емдеу әдісімен таныстыру болып табылады.

«Созылмалы обструктивтік өкпе ауруы деген – өкпенің бұзылуына ықпал ететін бөлшектер мен газдарды жұту себебінен өкпенің созылмалы қабынуына әкелетін және дамитын ауру. Ентігу, жөтелу және қақыру осы дерттің белгілеріне жатады», - дейді профессор Сәуле Қасенова.

Дәрігерлердің болжамы бойынша, егер бұл аурудың алдын алу үшін жуық арада іс-шаралар қабылданбаса, онда аталған дерттен өлім-жітім саны он жыл ішінде 30% өсуі мүмкін.

«Аурудың негізгі себептеріне – шылым шегу, темекі түтіні, шаң, газ, түтін арқылы ауаның ластануы, кәсіпке байланысты келтірілетін залалдар жатады», - дейді маман.

Біздің каналымызға жазылыңыз:

Басты сөздер: Медицина,
Бөлісіңіз:

Автор:

Зарина Қаһарман

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT