+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Сот Елжан Біртановқа үйден шығуға рұқсат берді

2021 жылғы 21 сәуір 17:33
Бөлісіңіз:
Сот Елжан Біртановқа үйден шығуға рұқсат берді

НҰР-СҰЛТАН. ҚазАқпарат – Нұр-Сұлтан қаласының мамандандырылған ауданаралық тергеу соты бұрынғы Денсаулық сақтау министрі Елжан Біртановты үйқамақта ұстау мерзімін ұзартты, деп хабарлайды ҚазАқпарат тілшісі.

Бұл туралы Нұр-Сұлтан қаласының мамандандырылған ауданаралық тергеу соты хабарлады.

«2021 жылғы 21 сәуірде Нұр-Сұлтан қаласының мамандандырылған ауданаралық тергеу соты Е.Біртановтың үйде қамауда ұстау мерзімін ұзарту туралы тергеу органының өтінішін қарады. Сотта Е.Біртанов оған отбасын асырау үшін жұмыс істеуге мүмкіндік беруді сұрады», - деп жазылған ресми мәліметте.

Сайтта жазылғандай, экс-миинистр 6 айдан астам уақыт бойы үйден шықпағанын, осы мерзімде қандай да бір заңсыздыққа бармағанын алға тартқан.

«Заңның талаптарына сәйкес, шектеулер адамның отбасы мүшелерімен қарым-қатынасына, қорғаушымен қарым-қатынасына, өмірлік маңызды әрекеттерді жүзеге асыруына, мысалы, медициналық көмек алуға және т. б. кедергі келтірмеуі керек. Сот үйқамақ мерзімін ұзарта отырып, Е.Біртановқа оның асырауында бес адам, оның үшеуі жас бала және қарт ана екенін ескере отырып, өмірге қажетті іс-әрекеттерді жүзеге асыру үшін үйден сағат 8-ден 19-ға дейін шығуға рұқсат берді. Сонымен қатар, сот бұған дейін Біртанов өзіне салынған тыйымды бұзбағанын назарға алды», - деп жазылған ресми ақпаратта.

Еске салсақ, өткен жылы бұрынғы денсаулық сақтау министрі Елжан Біртанов қамауға алынды. Оған қатысты аса ірі көлемде бюджет қаражатын ысырап ету фактісі бойынша қылмыстық істі тергеліп жатыр.

Сонымен қатар, Денсаулық сақтау министрі Алексей Цой бұрынғы министр Біртановты қолдаған ашық хатқа пікір білдірді.



Біздің каналымызға жазылыңыз:

Бөлісіңіз:

Автор:

Есімжан Нақтыбай

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059

MURAǴAT