09:06, 25 Қазан 2021 | GMT +6
Соңғы тәулікте коронавирус пен пневмониядан 24 адам көз жұмды
НҰР-СҰЛТАН. ҚазАқпарат - ҚР Денсаулық сақтау министрлігі соңғы тәулікте коронавирустан қайтыс болғандар статистикасын жариялады.
Оған сәйкес 23 қазан күні Қазақстан аумағында 20 адам - коронавирустан, тағы 4 сырқат - пневмониядан қайтқан.
Коронавирустан ажал құшқандардың ішінде ең көбі Алматы қаласында - 5 науқас.
Қарағанды облысында - 3, Солтүстік Қазақстан және Шығыс Қазақстан облыстарында - 2, Шымкент және Нұр-Сұлтан қалалары мен Ақмола, Алматы, Атырау, Ақтөбе, Қызылорда, Батыс Қазақстан облыстарында - бір адамнан көз жұмған.
Тек Түркістан, Қостанай, Павлодар, Маңғыстау және Жамбыл облыстарында ғана коронавирустан өлім-жітім болған жоқ.