Соңғы 3 айда КВИ-мен науқастанғандар саны 4,2 есеге азайды
2021 жылғы 30 қараша 09:30

Соңғы 3 айда КВИ-мен науқастанғандар саны 4,2 есеге азайды

НҰР-СҰЛТАН. ҚазАқпарат – Соңғы 3 айда КВИ-мен науқастанғандар саны 4,2 есеге азайды. Бұл туралы Үкімет отырысында ҚР Денсаулық сақтау бірінші вице-министрі Марат Шоранов айтты, деп хабарлайды ҚазАқпарат тілшісі.

«Республика бойынша 1 тамыздан бастап инфекциялық төсектердің қамтылуы 56 пайыздан 29 пайызға дейін, реанимациялық төсектердің қамтылуы 45 пайыздан 23 пайызға дейін төмендеді. Резервте 30 мыңнан астам төсек-орын бар. Емдеуді жалғастырушылар саны азайды. Соңғы үш айда науқастар саны 4,2 есе азайды», - деді бірінші вице-министр.

Ол халықты КВИ-ге қарсы вакцинациялау жалғасып жатқанын айтты.

«1-компонентпен 8,7 млн адамнан астам адам егілді, егілуге тиісті халықтың 76,6 пайызы немесе жалпы халықтың 46,2 пайызы қамтылды. Екінші компонентпен тиісті халықтың 70,8 пайызын немесе жалпы халық санының 42,7 пайызын қамти отырып, 8 млн-нан астам адам егілді», - деді Марат Шоранов.


Jańalyqtar

MURAǴAT