Сон Паскаль қазаққа күйеу бала болуға дайындалып жүр (ФОТО)

АЛМАТЫ. ҚазАқпарат - Белгілі итальяндық әнші Сон Паскаль YURT атты жаңа әнжинағын шығарды. Жаңа жинаққа 4 қазақтың халық әні мен 3 авторлық ән кірген.

Әнші өз туындыларын Нұрлан Шаурбековпен бірге жазған. Бір ән ағылшын тілінде жазылған.

Қазақ әндерін itunes, spotify, deezer онлайн-сервистерінен тыңдауға болады.

Әншінің шығармашылығында қазақ тыңдармандарына деген бағыт ұзақ үзілістен соң пайда болды.

Көптеген БАҚ өкілдері Сон Паскальдің Қазақстаннан кеткенін жазған болатын. Әнші бұл қауесеттің бәрін жоққа шығарды.

«Менің жан-жүрегім қазақ. Мен өзімнің ғашығымды Қазақ жерінде таптым. Қазір қазаққа күйеу бала болуға дайындалып жүрмін», - деді С.Паскаль.

Биыл жазда итальяндық әнші өзінің жаңа ән тобымен қазақ өңірлерін гастрольдік сапармен аралап шықпақ.