Қолданушы баптаулары
Қолданушы баптаулары
+7 (701) 759 90 19 Лента
Астана: 14 °С
Алматы: 28 °С
USD 346.68 EUR 404.02
RUB 5.47 CNY 51.15
Жаңалықтар

Солтүстік Кореяны Қазақстан таңдаған жолға түсуге иландыру керек - Корея министрі

2018 жылғы 17 сәуір 12:44 1345
Бөлісіңіз:
Солтүстік Кореяны Қазақстан таңдаған жолға түсуге иландыру керек - Корея министрі

АСТАНА. ҚазАқпарат - Солтүстік Кореяны Қазақстан таңдаған жолға түсуге иландыру керек. Мұндай пікірді бүгін Корея Республикасының Сыртқы істер министрі Кан Ген Хва білдірді, деп хабарлайды ҚазАқпарат.

Ұқсас жаңалықтар
Қазақстан мен Ресей арасындағы мәңгілік достық декларацияға қол қойылғанына 20 жыл «Kazakh Invest» БАӘ инвесторлар қауымдастығымен меморандум жасасты

«Қазақстан - ядролық қару-жарақтан өз еркімен бас тартып, бейбітшілік жолын таңдаған ел. Сол уақыттан бері ел қандай жетістікке жеткенін көріп отырмыз. Қазақстан тарихын, әсіресе, біздің Солтүстік Кореямен арадағы жағдайға байланысты көп айту қажет. Солтүстік Кореяны Қазақстан таңдаған жолға түсуге иландыру керек. Мұны жасауға біздің тарихи мүмкіншілігіміз бар», - деді ол ҚР Сыртқы істер министрі Қайрат Әбдірахмановпен кездесуден кейінгі бірлескен мәлімдеме барысында.

Осы ретте ол БҰҰ Қауіпсіздік кеңесінің мүшесі ретінде Қазақстан тарапынан қолдаудың жалғаса беретіндігіне үміт артатындығын баса айтты.

«Ядролық қарусыздану проблемасын шешуге үлес қосқаны, қолдау көрсеткені үшін Қазақстанға ризашылығымызды білдіреміз. Өйткені, ол тек біздің өңірге ғана емес, сонымен бірге бүкіл әлемге де қатысты. Біздің мақсатымыз ортақ. Біз бағытқа көз салатын серіктеспіз. Халықаралық күн тәртібіндегі көптеген саяси мәселелерді бірлесе шешеміз. Достық пен бірлескен серіктестікке негізделген оң әрі мығым диалогты жалғастырғымыз келеді», - деді Корея Сыртқы істер министрі.

Айта кетерлігі, бірлескен мәлімдеме барысында ҚР Сыртқы істер министрі Қайрат Әбдірахманов Қазақстан кореяаралық диалогтың қайта қалпына келуін қолдайтындығын айтқан болатын.

 

 


Бөлісіңіз:

Автор:

Марлан Жиембай

Онлайн қызметкерлер
Редактор
Айдар Оспаналиев
Айдар Оспаналиев
954-059
Мұрағат