+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Солтүстік Қазақстанда ірі қара мал белгісіз аурудан қырылды

2021 жылғы 29 шілде 18:02
Бөлісіңіз:
Солтүстік Қазақстанда ірі қара мал белгісіз аурудан қырылды

ПЕТРОПАВЛ. ҚазАқпарат – Солтүстік Қазақстан облысы Уәлиханов ауданы Мортық ауылында тұрғындардың оншақты бұзауы белгісіз аурудан өлді, деп хабарлайды ҚазАқпарат тілшісі.

Ұқсас жаңалықтар

СҚО ветеринария басқармасының бөлім басшысы Қайырлы Қазановтың айтуынша, 21 шілде күні Уәлиханов ауданы Мортық ауылында бірнеше ірі қара малдың өлгені жөнінде телефон хабарламасы түскен.

22 шілде күні оқиға орнына ветеринарлық қызмет мамандары барып, эпизоотикалық тексеру жүргізді. Арам өлген 7 бұзаудың өлексесі табылды.

«Ветеринарлар барғанда мал ісініп, бұзыла бастаған екен. Мұндай жағдайда малдың неден өлгенін анықтау мүмкін емес, өйткені ауруды анықтау үшін сынама мал өлгеннен кейін 2-3 сағаттың ішінде алынуы керек. Сондықтан тек қана болжам жасап отырмыз. Мал шөптен уланған немесе пастереллез болуы мүмкін», - дейді Қайырлы Қазанов.

Мортық ауылында 600 бас қара мал, 2 мыңға жуық қой-ешкі және 800-ге жуық жылқы бар. Тұрғындар түлікті ауылдан 7 шақырым жердегі жайылымда бағады екен.

Мамандар өлген малды жағып, орнын Дизолдың 1,5 %-дық ерітіндісімен залалсыздандырды.

Сондай-ақ ауру таралмауы үшін эмфиземалы көршиқанға, яғни қарасанға қарсы 400 қара малға екпе егілген.

Ветеринарлар жағдайды бақылауда ұстап отыр, әзірге мал қырылуының жаңа жағдайлары тіркелген жоқ.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT