+7 (701) 759 90 19
USD 427.15 EUR 519.12
RUB 5.96 CNY 66.84
Jańalyqtar

Солтүстік Қазақстанда бораннан 18 елді мекен жарықсыз қалды

2021 жылғы 24 ақпан 12:27
Бөлісіңіз:
Солтүстік Қазақстанда бораннан 18 елді мекен жарықсыз қалды

ПЕТРОПАВЛ. ҚазАқпарат – Солтүстік Қазақстан облысында боранның салдарынан 4 мыңнан астам тұрғыны бар 18 елді мекен электр қуатынсыз қалды, деп хабарлайды ҚазАқпарат тілшісі.

Ұқсас жаңалықтар
Қызылордалықтардың тұтынған газға берешегі 1 миллиард 246 млн теңгеге жетті

СҚО төтенше жағдайлар департаменті бастығының орынбасары Мұрат Қанғожиновтың айтуынша, кешегі бораннан 9 ауданның 18 елді мекені электр қуатынсыз қалды. Салдарынан 4 мыңнан астам абонент жарықсыз отырды. Таңғы сағат 10.00 шамасында 3 елді мекенде электр желілері қалпына келтірілді. Яғни, 700-ге жуық абонентке жарық берілді. Қалғандарында жөндеу жұмыстары жүргізіліп жатыр.

«Қазгидрометтің» хабарлауынша, 24 ақпан күні де қар жауып, боран болады. Сол себепті көлік жүргізушілерін бүгін де жолға шықпауға шақырамыз. Жолға шығу керек болған жағдайда өздерімен бірге жылы киім, қосымша жанармай алуға кеңес береміз. Балаларды үйде қалдырыңыздар. Бірнеше күннен бері дауылды ескерту жариялап, 112 қызметі арқылы хабарлама жіберіп жатырмыз. Соны назарға алмай жолға шығатын адамдар көп. Өздеріңіздің, жолаушыларыңыздың өмірі мен денсаулығын қауіп-қатерге тікпеңіздер», - дейді Мұрат Қанғожинов.

СҚО-да боран әзірге басылған жоқ. Сағат 12.00 кезінде 112 қызметі бұрқасын желге байланысты барлық бағыттағы жолдардың жабылғандығы жөнінде ескерту хабарламасын жіберді. Сондай-ақ бүгін ауа райының нашарлығына байланысты мектептерде 0-12 сынып оқушыларына сабақ болған жоқ.

Бұған дейін СҚО-да боранда ауыл сыртына шыққан 5 адамның адасып, жоғалып кеткенін айтқан едік.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT