Солтүстік Қазақстан облысында үсік жүреді

ПЕТРОПАВЛ. ҚазАқпарат - Дүйсенбі, 28 мамыр күні Солтүстік Қазақстан облысы бойынша, ауа райына байланысты ескерту жарияланды, деп хабарлайды ҚазАқпарат.

Солтүстікқазақстандықтардың ұялы байланыстарына 112 қызметінен хабарлама келген. Өңір тұрғындарына дүйсенбі, 28 мамырда желдің жылдамдығы күшейіп, екпіні секундына 28 метрге дейін жетуі мүмкіндігі жөнінде ескерту жасалды.

«-1 градусқа дейін үсік жүруі мүмкін»,-делінген хабарламада.

Айта кетейік, 27 мамыр күні түнде Ақмола облысында қар жауды.