07:41, 11 Желтоқсан 2018 | GMT +6
Солтүстік Қазақстан облысында мешіт өртенді
АСТАНА. ҚазАқпарат - Солтүстік Қазақстан облысына қарасты Мамлют қаласында орналасқан аудандық мешіттің шатыры өртеніп кетті, деп хабарлайды «Хабар 24».
Бұл туралы ақпарат кезекші бөлімге сағат 17:56-да түскен. Абырой болғанда зардап шеккендер жоқ.
Қызыл жалынмен күресуге 30-ға жуық адаммен 6 бірлік техника жұмылдырылды.
Сағат 20:15-те өрт толық сөндірілді.
Қазір шығын көлемі анықталып жатыр. Алдын ала болжам бойынша өрт пештен шыққан.