12:46, 09 Қазан 2019 | GMT +6
Солтүстік Қазақстан облысында бұршақ жауады
НҰР-СҰЛТАН. ҚазАқпарат – «Қазгидромет» РМК ауа райының бұзылуына байланысты ескерту жариялады, деп хабарлайды ҚазАқпарат.
10 қазан күні – күндіз, 11 қазанда тәулік бойы Солтүстік Қазақстан облысының кей жерлерінде найзағай ойнап, бұршақ жауады.
Сондай-ақ 10 қазанда күндіз оңтүстіктен соғатын желдің екпіні солтүстік-батыс бағытына ауысып, жылдамдығы 15-20 м/с жетуі ықтимал.
11 қазан күні солтүстік-батыстан, солтүстіктен жел соғып, оның күші 15-20, кей жерлерде 25 м/с жететіні күтіледі.