Soltústik Qazaqstan oblysynda tatýlastyrý kabıneti ashyldy
Tatýlastyrý kabıneti Joǵarǵy sottyń «Sottaǵy tatýlastyrý rásimderi» jobasynyń aıasynda ashyldy.
Oblystyq sottyń tóraǵasy Erlan Aıtjanov atap ótkendeı, tatýlastyrý rásimderi janjaldy retteýge, taraptar arasyndaǵy qarym-qatynasty ornatýǵa, daýdy sheshýdiń ózara tıimdi jolyn tabýǵa baǵyttalǵan. Osy másele tóńireginde medıatsıa kabınetteri mańyzdy ról atqarady, óıtkeni olar jaılylyq pen qupıalylyq ornatyp, áńgimelesýge jaǵdaı jasaıdy.
Dál sol kúni bitistirýshi sýdıa Sáken Tilegenov 12 700 teńge bereshekti óndirip alý týraly JSHS-niń azamatqa talap qoıýy jónindegi daý boıynsha medıatsıa túrindegi alǵashqy tatýlastyrý rásimin jasady. Talap qoıýshy men jaýapker arasyndaǵy daý byltyr bastalǵan. Sýdıanyń durys uıymdastyrylǵan jumysynyń arqasynda taraptar ózara tatýlasý týraly kelisimge keldi. Is boıynsha is júrgizý toqtatylyp, 1 883 teńge kólemde tólengen memlekettik baj talap qoıýshyǵa qaıtaryldy.
Buǵan deıin Petropavl qalasynyń № 2 sotynda jáne Mamandandyrylǵan aýdanaralyq ekonomıkalyq sotynda osyndaı kabınetter ashylǵan bolatyn.