+7 (701) 759 90 19
USD 389.75 EUR 434.26
RUB 6.12 CNY 55.05
Jańalyqtar

Соғыс оқиғасын шынайы беру үшін эмоцияға берілмеу керек – әскери журналист

2019 жылғы 11 тамыз 10:07
Бөлісіңіз:
Соғыс оқиғасын шынайы беру үшін эмоцияға берілмеу керек – әскери журналист

ҚЫЗЫЛОРДА. ҚазАқпарат - Еліміздегі «Қазақстанның 100 жаңа есімі» жобасының жеңімпазы, әскери журналист Назгүл Кенжетай Сыр өңіріне келіп жастармен жүздесті, деп хабарлайды ҚазАқпарат тілшісі.

Ұқсас жаңалықтар

«Қазақстанның 100 жаңа есімі» жобасы Тұңғыш Президент - Елбасы Нұрсұлтан Назарбаевтың «Болашаққа бағдар: рухани» бағдарламасы аясында қолға алынған. Жоба жеңімпазымен жүздесу шарасын Қызылорда облыстық ішкі саясат басқармасы ұйымдастырды.



Назгүл Кенжетай Сирия мәселесін тереңірек зерттеп, түрлі бағытта фоторепортаждар түсіріп келеді. Таяу Шығыстағы босқындар мәселесін көтерген ол кездесу барысында діни тақырыптағы мәселелерде журналистердің ұстанымдары туралы ой бөлісті.

«Соғыс алаңында болып жатқан оқиғаны көзбен көріп, зерттеу жүргізу маған оңайға соқпады. Бастысы, эмоцияға ерік беріп қоймауың керек. Себебі, Сириядағы балалардың, әйелдердің өмірін нақ әрі объективті түрде беру керек. Сол себепті де менің материалдарымды шетелдік басылымдар шығарды. Бұл тақырыпқа тереңірек бару үшін біліммен қатар психологиялық дайындық қажет»,-деді Назгүл Кенжетай.



Басқосуда аймақтағы тілшілер Назгүл Кенжетайға түрлі бағытта сұрақтарын қойып, өзара пікір алмасты. Кездесу соңында Қызылорда облыстық ішкі саясат басқармасының басшысы Талғат Маханов естелік кітапты сыйға тарту етіп, құрмет көрсетті.

Бұдан бұрын әскери журналист Назгүл Кенжетаймен ҚазАқпарат тілшісінің сұхбаты жарияланды.



Біздің каналымызға жазылыңыз:

Бөлісіңіз:

Аударма:

Әділжан Үмбет

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Жанат Қапалбаева
Жанат Қапалбаева
954-059

MURAǴAT