Қолданушы баптаулары
Қолданушы баптаулары
+7 (701) 759 90 19 Лента
USD 378.90 EUR 422.74
RUB 5.87 CNY 54.80
Jańalyqtar

«Smart Aqkol» жобасы өз тиімділігін дәлелдеді - Асқар Жұмағалиев

2019 жылғы 17 сәуір 23:15 580
Бөлісіңіз:
«Smart Aqkol» жобасы өз тиімділігін дәлелдеді - Асқар Жұмағалиев

НҰР-СҰЛТАН. ҚазАқпарат - Бүгін ҚР Цифрлық даму, қорғаныс және аэроғарыш өнеркәсібі министрі Асқар Жұмағалиев Ақмола облысында орналасқан «Smart Aqkol»  ақылды қала жобасының жұмысымен танысты, деп хабарлайды ҚазАқпарат.

Ұқсас жаңалықтар
Қостанайда iKomek ахуал орталығы ашылды Қазақстанның IT-мамандары Smart Turkistan құрылысының кірпішін қалады

«Бүгін әріптестеріммен еліміздің ең «ақылды» қаласында болып, «Smart Aqkol» жобасы бойынша жүргізіліп жатқан жұмыстардың нәтижелерімен таныстым. Қаланы «цифрландырудың» жүзеге асырылғанына көп уақыт болмаса да, жоба өз тиімділігін дәлелдеді. Сол себепті   жобаны жүзеге асыруда  жинақтаған  оң тәжірибелерді бірыңғай стандартты жетілдіру барысында  ескерген жөн. Бұл болашақта қалаларды дамытудың «smart» принципінің мағынасын айқындап, қандай да бір түсінбеушіліктердің орын алуына жол бермейді деп есептеймін», - деп жазды Асқар Жұмағалиев өзінің Фейсбук парақшасында.

Сондай-ақ, министр Ақкөлдегі ғарыштық байланыс орталығының қызметкерлерімен жүздесті.

«Ғарыш саласындағы қызметкерлер арасында ұрпақтар сабақтастығының көрінісіне куә болдым. Ғарыштық байланыс ортылығының қызметкерлерімен кездесу барысында ата жолын қуып, әке жолын жалғастырған ұрпақтардың көп екені көңіл қуантты», - деді ол.

Еске сала кетейік, «Smart Aqkol» жобасын «Қазақтелеком» АҚ, Tengrilab және Еуразиялық топ іске асырды. Қалада 17,5 шақырым талшықты-оптикалық байланыс желісі тартылып, қоғамдық Wi-Fi және LTE желісі жаңартылды. Осының арқасында 100-ге жуық бейнекамера, 4500 су есептеу құрылғысы, 6 мың электр энергиясын есептеу құралы, жол трафигі, өрт қауіпсіздігі, көшені жарықтандыру және басқа да құрылғылар бір орталықтан басқарылады.

 

 

 

Біздің каналымызға жазылыңыз:

Бөлісіңіз:

Автор:

Дәулет Ізтілеу

Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
MURAǴAT