Слаймдар балалардың денсаулығына қауіпті ме
«Қазақстанда жүргізілген мониторинг барысында 1,5 мыңнан астам ойыншық үлгісі тексерілді. Олардың 916-ы талаптарға сай келмейтіні анықталды (60 пайыз). Көбінесе талаптарға сай келмейтін ойыншықтардың 73 пайызы Қытай елінен, 26 пайызы Түркиядан әкелінген. Тексеріс нәтижелері бойынша ойыншықтардың құрамынан уытты көрсеткіштер анықталды. Олар: фенол, фармальдегид секілді қауіпті көрсеткіштер. Қалған 96 пайызында таңбалау ережелеріне сай еместігі және жарақат алу қаупі бар, жас ерекшеліктеріне сай емес екені туралы қағидалардың бұзылғаны анықталды», - деді Дана Қасқатаева.
Баспасөз мәслихаты барысында комитет өкілі қазіргі таңда балалар қызығып ойнайтын слаймдар денсаулыққа қауіпті ме деген сұраққа да жауап берді.
«Слаймдарға да талдау жұмыстары жүргізілген болатын. Әртүрлі қоспалары бар, иісі әртүрлі слаймдардың талапқа сай емес үлгілері анықталған жоқ», - деді Дана Қасқатаева.