«Славия» мен «Астана» арасындағы шешуші ойынға италиялықтар төрелік етеді

АСТАНА. ҚазАқпарат - УЕФА Еуропа Лигасы топтық кезеңінің 6-туры аясындағы «Славия» - «Астана» матчына Давиде Масса басшылығындағы италиялық төрешілер бригадасы бекітілді, деп хабарлайды «Астана» ФК баспасөз қызметі.

36 жастағы төреші осымен биылғы Еуропа Лигасындағы екінші кездесуіне төрелік еткелі отыр. Үшінші турда ол «Брага» - «Лудогорец» матчын басқарған болатын. Болгарлардың 2:0 есебіндегі жеңісімен аяқталған сол ойында Масса 4 сары қағаз көрсеткен.

Ол төрелік еткен осы маусымдағы айтулы матчтардың қатарында «Ювентус» пен «Лацио» арасындағы Италия Суперкубогының ойыны да бар.

Давиде Массаға  Филиппо Мели мен Альберто Тегони көмектеседі, қосалқы ассистенттер: Паоло Мацолени және Антонио Дамато. Резервтегі төреші: Андреа Криспо. 

Матч Праганың «Эден Арена» стадионында желтоқсанның 7-сінен 8-іне қараған түнде Астана уақытымен 00:00-де басталады.