+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

СҚО тұрғыны үйінде сирек кездесетін құстарды өсіреді

2019 жылғы 16 маусым 10:17
Бөлісіңіз:
СҚО тұрғыны үйінде сирек кездесетін құстарды өсіреді

ПЕТРОПАВЛ. ҚазАқпарат - Солтүстік Қазақстан облысының тұрғыны Василий Старков үйінде сирек кездесетін құстарды өсіріп, баптаумен айналысады, деп хабарлайды ҚазАқпарат тілшісі.

Преснов елдімекенінің тұрғыны Василий Старковтың құс қорасында кептердің ғана сирек кездесетін 5 түрі бар. Құс өсірушінің айтуынша, қазір әлемде көгершіннің мыңнан астам түрі өсіріледі. Олардың барлығы жабайы кептерден бастау алады. Ал, оның кептерлерінің әрқайсысы бір қойдың құнына тең. Мәселен салпықанат деп аталатын түрі бүгінде көрмелердің сәніне айналған.

«Салпықанаттың ерекшелігі кеудесі көтеріңкі және тұқымның түріне қарай құйрығында бірнеше бағыттауыш қауырсыны бар. Көзі ашық, әдемі. Пішіні, тұлғасы келісті. Салпықанат кептерлер 1975 жылы көрмеде алғаш рет бірінші орын алып, әлемге танылды», - дейді Василий Старков.

null

Василий Старков көгершін өсірумен алты жасынан бастап айналысып келеді. Асыл тұқымды құсты өсіріп қана қоймай, көбейтеді де. Салпықанат кептер бір маусымда алты балапан шығарады. Оның айтуынша, «құстың сүті» аңыз емес. Көгершіндер жаңа туған балапандарын бір апта бойы өз сүтімен асырайды екен.

Жалпы орнитолог мамандардың сөзіне қарағанда, ағзасынан сүт бөлетін құстар табиғатта санаулы ғана. Олар - қайшыауыз торғай, император пингвині мен фламинго.«Көгершіннің басқа құстардан ерекшелігі - ол жаңа шыққан балапанын бір апта құс сүтімен асырайды. Көгершін сүті біз көріп жүргендей сұйық емес, ірімшік секілді болады. Және ол асқазанынан бөлінеді. Жаңа шыққан балапандарды аталық кептерлер де «сүт» бөліп асырайды», - дейді тәжірибелі кептерші.


null

Үй құсының бұл түрін күтіп баптау жеңіл. Бұршақ, тары, зығыр - дәнді дақылдардың қайсы болсын азық ретінде жарай береді. Қазір өңірде жүздеген кептер өсіруші бар. Алайда олардың арасында жастар жоқ, декоративті көгершін өсіру - әзірше орта жастағылардың ғана қызығушылығын тудыруда.


null

Василий Старковтың құс қорасында кептерлерден басқа бөденелер, сәндік тауықтың 4 түрі бар. Бес жыл бұрын Алматыдан тауыстың жұбын әкелсе, биыл бұл құс алғаш рет жұмыртқа басқан. Ал жақында құс өсіруші олардың қатарына қырғауыл әкеп қоспақшы.


null
null

Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT