+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

СҚО тұрғыны төлем терминалын бұзып жатқан жерінде ұсталды

2021 жылғы 28 қазан 15:40
Бөлісіңіз:
СҚО тұрғыны төлем терминалын бұзып жатқан жерінде ұсталды

ПЕТРОПАВЛ. ҚазАқпарат – Петропавлда полицейлер төлем терминалын бұзуға әрекеттенген ер адамды ұстады, деп хабарлайды ҚазАқпарат тілшісі.

Ұқсас жаңалықтар
Ақмола облысында жасөспірім танысының атынан 2 кредит алған Алматыда нөмірсіз көлікпен қарсы бағытта жүрген полиция қызметкері жазаланды Түркістан облысында ұрланған 50 бас мал иелеріне қайтарылды

Солтүстік Қазақстан облысы Полиция департаменті баспасөз қызметінің мәліметінше, Петропавлда таңғы сағат 5.00 шамасында «102» арнасына куәгерлер хабарласып, белгісіз адамның Жамбыл және Интернационал көшелерінің қиылысында орналасқан терминалды бұзбақ болып жатқанын хабарлады. Ер адамның қолында темір заты болған. Жедел басқару орталығының операторы камераны оқиға орнына қарай бағыттап, ақпаратты растады.

Жақын маңда жүрген патрульдік полиция экипажы ер адамды ұстап, Петропавл қалалақ полиция басқармасының екінші полиция бөліміне жеткізді.

Ұсталған күдікті Екібастұз қаласында туған бұрын сотталған 27 жастағы жігіт болып шықты. Медициналық куәландыру оның мас екендігін көрсетті. Ұрлық жасауға оқталу фактісі сотқа дейінгі тергеп-тексерулердің бірыңғай тізіліміне «Ұрлық» бабы бойынша енгізілді.

«Бейнебақылау камералары — заң бұзушылықтарды анықтауда және жолын кесуде, қылмыстарды «ізін суытпай ашуда» сенімді құрал. Жыл басынан бейнебақылау инспекторлары 14 мыңнан астам әкімшілік құқық бұзушылықты анықтады, оның 12 мыңға жуығы жол жүрісі ережелерін бұзуға қатысты. Сондай-ақ қылмыстарды ашуға ықпал еткен 146 факті анықталды», - дейді Жедел басқару орталығының бастығы Ерік Құлжанов.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT