+7 (701) 759 90 19
USD 386.30 EUR 428.14
RUB 6.08 CNY 54.87
Jańalyqtar

СҚО шетелден асыл тұқымды 4,5 мың ірі қара сатып алады

2019 жылғы 20 қараша 14:58
Бөлісіңіз:
СҚО шетелден асыл тұқымды 4,5 мың ірі қара сатып алады

ПЕТРОПАВЛ. ҚазАқпарат – Солтүстік Қазақстан облысының фермалары мал басын асылдандырып жатыр. Биыл өңірге жеткізілуі тиіс 4,5 мың бастың 3,5 мыңы шаруалардың қолына тиген, деп хабарлайды ҚазАқпарат тілшісі.

Ұқсас жаңалықтар
Жамбылдық шаруалар қой еті экспортын арттыруға ынталы Жамбыл облысы шетелден 36 мың ірі қара сатып алмақ Жамбылдық шаруалар мал қыстатуға  1 млн 700 мың тоннаға жуық шөп жинады

Қызылжар ауданындағы Новоникольское елді мекеніне Германиядан голштин тұқымды 160 ірі қара мал әкелінді. Бұл шетелден жеткізілуі тиіс түліктің алғашқы партиясы. Сүтті сиырға фермерлер арасында сұраныс жоғары. Сол себепті жергілікті шаруалар да жолдың шалғайлығына қарамастан, оны көптеп әкеліп жатыр. «Зенченко и К» командиттік серіктестігі сиырларды сүтті мал шаруашылығын дамыту бағдарламасы аясында сатып алды. Бұл бағдарлама ұзақ мерзімге шақталған. Мақсаты - сүт өнімдерінің импортын алмастыру.

Голштин сиыры тәулігіне 50-60 литр сүт береді. Тек күтімі жақсы болуы қажет. Мамандардың сөзіне қарағанда, бұл тұқым солтүстіктің климатына тез жерсінеді.

«Қызылжар ауданы бойынша жылдың аяғына дейін шетелден 1300 мал жеткізіледі. Қазір әкелген сиырларды 21 күндік карантинге қоямыз. Аса қауіпті ауруларды алдын алу үшін осылайша уақытша оқшаулаймыз. Әкелінген әр сиыр үшін шаруашылық 337 мың теңгеден субсидия алады. Голштинді 2008 жылы «Зенченко и К» командиттік серіктестігі Канададан әкеле бастаған. Бұл малдың өнімділігі, сүт беруі өте жоғары», - дейді Қызылжар аудандық ветеринария бөлімінің басшысы Сырғабек Байжанов.

Қазір «Зенченко и К» шаруашылығында 3,5 мыңға жуық ірі қара мал бар. Олар күніне 70 тонна сүт береді.Жыл соңына дейін голштин тұқымды тағы 440 сиыр қосылады.

СҚО ауыл шаруашылығы басқармасы мамандарының мәліметінше, биыл ірі қара мал саны 1,7% ұлғайып, 367 мыңға жетті. Оның 198 мыңы - сүтті сиыр. «Сыбаға», «Ырыс» және сүтті мал шаруашылығын дамыту бағдарламалары арқылы ағымдағы жылы өңірге 4,5 мың бас асыл тұқымды қара мал сатып алынуы тиіс болса, бүгінге дейін оның 3,5 мыңы жеткізілді.

Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT