+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

СҚО полицейлері төрт күнде 74 келі есірткі тәркіледі

2019 жылғы 26 қыркүйек 02:09
Бөлісіңіз:
СҚО полицейлері төрт күнде 74 келі есірткі тәркіледі

ПЕТРОПАВЛ. ҚазАқпарат – Солтүстік Қазақстан облысында «Допинг» жедел-профилактикалық іс-шарасы аяқталып, нәтижесінде заңсыз айналымнан 74 келі есірткі тәркіледі, деп хабарлайды ҚазАқпарат тілшісі.

Ұқсас жаңалықтар
Шу ауданының тұрғынынан 4 қап марихуана табылды Қызылордада ірі көлемдегі есірткімен БҚО тұрғыны ұсталды Минскіде есірткі таратқан 37 адамға үкім шықты

СҚО полиция департаменті баспасөз қызметінің мәліметінше, акция барысында есірткі, психотропты заттар мен олардың прекурсорлары пайланылатын объектілер: ауруханалар, қоймалар, өндірістік кәсіпорындар тексерілді.

Облыстың екі медицина мекемесінде есірткі құралдарын сақтау ережесінің бұзылғандығы және оларды сақтауға арналған бөлмелердің талапқа сай еместігі анықталды. Есірткі және психотропты заттары бар 55 ампула алынды.

«Жауапты тұлғаларға қатысты әкімшілік хаттамалар толтырылды, бұзушылықтарды жою мақсатында материалдар жауапты инстацияларға тапсырылды. Сондай-ақ, жедел-профилактикалық іс-шарасы кезінде күнделікті жұмыстың басты бағыттары күшейтілді. Жедел ақпаратты тексеру нәтижесінде 3 есірткі қылмысы анықталды», - деді СҚО Полиция департаменті Есірткі қылмысына қарсы іс-қимыл басқармасының бастығы Жандос Басыбаев.

Аудан орталығы Мамлютканың 49 жастағы тұрғынының бақшасында және қора-қопсысында кептірілген марихуана жапырақтары, сондай-ақ аса ірі көлемде есірткі салынған қорап және пакеттер табылды. Жалпы салмағы 5 кг 300 грамм.

Ал Булаев қаласының 44 жастағы тұрғыны марихуана егумен айналысқан. Одан бақшасында өсірілген, жалпы салмағы 61 кг болатын 12 қап кептірілмеген марихуана алынды. ҚР ҚК 300-бабы «Құрамында есiрткi заттар бар, өсiруге тыйым салынған өсiмдiктердi заңсыз егіп-өсіру» бойынша сотқа дейінгі тергеу жүргізілуде.

Бұдан бөлек Петропавлда жедел уәкілдер өзімен бірге 5 грамнан артық «тұз» деген атпен кең таралған синтетикалық есірткі заты болған 31 жастағы астана тұрғынын ұстады. Күдіктінің айтуынша, наша оған жеке пайдалануға қажет болған. Қазір осы қылмысқа қатысты сотқа дейінгі тергеу жүргізілуде.

Мамандардың мәліметінше, жедел-профилактикалық іс-шара барысында 11 есірткі қылмысы анықталған, 74 келі 181 грамм түрлі есірткі алынды.

Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT