Қолданушы баптаулары
Қолданушы баптаулары
+7 (701) 759 90 19 Лента
USD 376.26 EUR 425.63
RUB 5.68 CNY 55.61
Jańalyqtar

СҚО мектеп асханасынан тыйым салынған тағамдар табылды

2019 жылғы 14 ақпан 12:06 209
Бөлісіңіз:
СҚО мектеп асханасынан тыйым салынған тағамдар табылды

ПЕТРОПАВЛ. ҚазАқпарат - Солтүстік Қазақстан облысында «Нұр Отан» партиясы филиалының депутаттары мен мүшелері мектеп асханаларын тексерістен өткізіп жатыр, деп хабарлайды ҚазАқпарат тілшісі.

Ұқсас жаңалықтар
Қазақстанда мектеп асханаларын мониторингілеу жобасы басталды Елордадағы мектеп асханаларынан кеміргіштер мен шыбындар табылды

Партия филиалы баспасөз қызметінің мәліметінше, мониторинг Қызылжар ауданының бірнеше мектебінде жүргізілген.

«Бәйтерек ауылында нормативтік-құқықтық актілермен тыйым салынған қуырылған қамырға оралған шұжық сатылған. Мониторинг тобының мүшелері ата-аналар шағым қалдыратын журналдың жоқтығы, ас мәзірінің сәйкес келмеуі, азық-түлік ақауларын анықтау бойынша кітаптың дұрыс рәсімделмеуіне байланысты ескертулер айтқан», - деп хабарлады баспасөз қызметінен.


СҚО мектеп асханасынан тыйым салынған тағамдар табылды  Партиялықтар аудан орталығы Бескөл ауылындағы мектеп-гимназия асханасынан бірқатар кемшіліктерді анықтаған.

«Онда таза ауызсу аппараттары да, бір рет пайдаланылатын стақандар да жоқ. Бәйтерек ауылында су ішу үшін пластмассадан жасалған ыдысты қолданған. Бұл дұрыс емес, гигиенаға сай емес. Ыдыс-аяққа да қатысты біраз мәселе бар. Жиһаз ескі, үстелдер шайқалып жатыр. Оқушы қолына ыстық шай алса, байқаусызда оны үстіне төгіп алып, күйік шалуы мүмкін ғой. Мұндағы ас мәзіріне де назар аудару керек, ол төрт апталық және күн сайынғы болуы тиіс», - деп атап өтті «Нұр Отан» партиясы Солтүстік Қазақстан облыстық филиалы төрағасының бірінші орынбасары Артур Молдағұлов.
СҚО мектеп асханасынан тыйым салынған тағамдар табылды

Бұл асхананы жалға алушы тендерді өткен жылдың соңында ұтып алғанын, ал жұмысқа қаңтар айында кіріскенін, сондықтан барлық мәселелерді шешіп үлгермегенін айтты.

«Соңғы айда аймақтағы 120 мектепте инспекция жүргізілген. Мониторинг тобының мүшелері есепке алу құжаттамасын, сарапшы комиссияның жұмысына қатысты материалдарды, диетолог немесе санитар бекіткен ас мәзірінің болуын, мектеп оқушыларының ауызсумен қамтамасыз етілуін және тамақтанудың нормаларға сәйкес болуын тексеріп жатыр», - деп қосып өтті баспасөз қызметінен.

Солтүстік Қазақстан облысында «Мектеп асханалары» партиялық жобасы биылғы жылдың басынан бері жұмыс істей бастаған.



Автор: Олеся Жуковень 

 

 

Біздің каналымызға жазылыңыз:

Бөлісіңіз:
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
MURAǴAT