+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

СҚО-дағы көне ғимаратта Ислам мәдениетінің музейі ашылмақ

2021 жылғы 22 шілде 15:03
Бөлісіңіз:
СҚО-дағы көне ғимаратта Ислам мәдениетінің музейі ашылмақ

ПЕТРОПАВЛ. ҚазАқпарат – Солтүстік Қазақстан облысында мәдениет саласындағы 14 жобаны жүзеге асыруға биыл 1,2 млрд теңге бөлінді, деп хабарлайды ҚазАқпарат тілшісі.

Ұқсас жаңалықтар
Өскеменде төрт қабатты Теннис орталығы салынып жатыр Атырау облысының Бас архитекторы тағайындалды Петропавлда манипулятор соққан жеңіл көліктегі 3 бала мен 2 ересек зардап шекті

СҚО әкімінің орынбасары Ғани Нығыметов өңірлік коммуникациялар қызметінде брифингіге қатысып, облыста атқарылып жатқан жұмыстарға тоқталды.

Мәселен өңірдің мәдениет саласында биыл 14 үлкен жоба жүзеге асырылмақ.

Бұл мақсатқа 1,2 млрд теңге жұмсалмақшы. Солардың бірі – құрылысы 2018 жылы басталған театр ғимараты.

«Петропавлда С.Мұқанов атындағы қазақ театрының құрылысы басталған. Алайда ондағы жұмыстар берілген кестеден кешеуілдеп жатыр. Қазіргі медігер компания салғырттық танытты. Жоба түзетуге жіберілді. Құрылысты аяқтау үшін қайта конкурс жарияланады», - дейді Ғани Нығыметов.

Ал облыс орталығындағы Киров атындағы зауыттың аумағындағы көне ғимарат жақында музейге айналуы тиіс.

«Көне ғимарат осы уақытқа дейін кәсіпорынның қоймасы ретінде пайдаланылып келді. Президент өңірге келгенде бұл ескі мешітті қалыпқа келтіріп, Ислам мәдениетінің музейін ашуға тапсырма берді. Осы мақсатқа бюджеттен 100 млн теңге бөлінді. Конкурс жарияланды. Құрылыспен айналысатын компания тамыз айының соңында белгілі болады. Ислам мәдениетінің орталығы қала тұрғындарын, келген қонақтарды, туристерді біздің өңірдің тарихымен, Ислам дінінің дамуымен таныстырып, дінаралық қатынасты нығайтуға жұмыс істейді», - дейді облыс әкімінің орынбасары.

Сондай-ақ, Ақан сері атындағы облыстық филармония ғимараты күрделі жөндеуден өтеді. Көркемөнер галереясы бойынша да жоба әзір, құжат сараптамаға жіберілді.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059

MURAǴAT