+7 (701) 759 90 19
USD 410.70 EUR 465.28
RUB 5.80 CNY 58.81
Jańalyqtar

СҚО-да жыл басынан қару ұстап жүруге 1,6 мың адамға рұқсат берілді

2020 жылғы 5 маусым 23:16
Бөлісіңіз:
СҚО-да жыл басынан қару ұстап жүруге 1,6 мың адамға рұқсат берілді

ПЕТРОПАВЛ. ҚазАқпарат – Солтүстік Қазақстан облысының Полиция департаменті жыл басынан қаруды сақтап, алып жүруге рұқсат беру бойынша 1613 адамға мемлекеттік қызмет көрсетті, деп хабарлайды ҚазАқпарат тілшісі.

Ұқсас жаңалықтар
Түркістан облысында  тұрғындар тіркелмеген қаруларын тапсыра бастады Петропавл тұрғыны полицияға бірден 5 қару тапсырды

Полиция департаменті баспасөз қызметінің мәліметінше, мемлекеттік қызметтің бұл түрі тұрғындар арасында сұранысқа ие. Рұқсатты қаруды алғаш сатып алғандар және бұрыннан барлары алуы керек. Бұған дейін рұқсат құжаттың мерзімін ұзартуға мүмкін болса, енді әр бес жыл сайын оны жаңадан алу қажет. Бұл қызмет «электрондық үкімет» порталы арқылы көрсетіледі.

«Қазір азаматтық және қызметтік қару айналымын бақылау бойынша бөлімшелердің барлық қызметі қашықтан көрсетіледі. Бұл, тұрғындарға ыңғайлы болуы және сыбайлас жемқорлықтың алдын алу үшін жасалған. Мемлекеттік қызмет көрсетудің жаңа стандарты ҚР ІІМ-нің биылғы 27 наурыздағы № 254 бұйрығымен бекітілген. Барлық қызметтер электрондық форматқа көшірілген. Олардың саны 8-ден 6-ға дейін қысқарды. Ұзартудан бөлек, комиссиялық сатуға жолдама да берілмейтін болды. Енді қаруды комиссиялық дүкенге тапсырған кезде рұқсат құжат пен жеке куәлікті көрсету жеткілікті», - деді СҚО Полиция департаменті бастығының бірінші орынбасары Қанат Айтбаев.

Полицейлердің айтуынша, кей қару иелері «электрондық үкімет» порталын пайдалану барысында қиындыққа кездесіп жатады. Сол үшін Халыққа қызмет көрсету орталығында «Е-лицензиялау» ақпараттық жүйесінен қызметті іздеу қажет. Ал үй компьютерінен кірген жайдайда egov.kz сайты арқылы іздеуге болады. Мәселен, «қаруды тіркеу» сауалын енгізген кезде «Қазақстанда қаруды тіркеу» деген бетке шығады. Сол жерде қажетті қызметті таңдауға болады.

СҚО-да жыл басынан полиция бөлімшелері қару-жараққа қатысты 2390 мемлекеттік қызмет көрсетті. Соның ішінде 1613 адам қаруды сақтап, алып жүруге рұқсат алған.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT