+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

СҚО-да жолға шығып кеткен жылқыны көлік қақты

2021 жылғы 18 мамыр 04:41
Бөлісіңіз:
СҚО-да жолға шығып кеткен жылқыны көлік қақты

ПЕТРОПАВЛ. ҚазАқпарат – Солтүстік Қазақстан облысында жеңіл көлік жүргізушісі қараусыз қалып, жолға шығып кеткен жылқыны қағып кетті, деп хабарлайды ҚазАқпарат тілшісі.

Ұқсас жаңалықтар
Атырауда 4 мыңнан астам жаяу жүргінші жазаланды ШҚО-да жол апатынан 1 адам көз жұмып, 2 адам жарақат алды Қазақстанда жарты жылда 39 мыңнан астам көлік шығарылды

СҚО полиция департаменті баспасөз қызметінің мәліметінше, оқыс оқиға Шал ақын ауданында түнгі сағат 23.00 шамасында болған. «Жезқазған-Петропавл» жолының 796 шақырымында келе жатқан «Ford Maverick» көлігінің алдынан жол шетіндегі ағаш арасынан 5 жылқы атып шыққан. Ақан-Барақ ауылына бет алған 66 жастағы ер адам бірден көліктің тежегішіне басқанымен, жылқының біреуін қағып кетті. Жол-көлік оқиғасында ешкім зардап шеккен жоқ, тек көлікке зақым келді.

Оқиға орнына полицейлер жетіп, бағусыз жүрген жылқылардың жергілікті ЖШС-ға тиесілі екенін анықтады.

Малға жауапты бригадирдің айтуынша, жылқы үйірінен бөлініп кеткен. Оларды қараусыз жібергені үшін бригадирге әкімшілік жаза қолданылды.

«Бос жүрген мал ұрыларға оңай олжа ғана емес, сондай-ақ жолға шығып, жүргізушілерге қауіп төндіреді. Ауданда мұндай оқиғаларға жол бермеу үшін үнемі алдын алу үс-шаралары жүргізіліп тұрады», - дейді Шал ақын ауданы полиция бөлімшесінің басшысы Руслан Мұхамбетжанов.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT