+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

СҚО-да жазасын өтеуші әйелдер арасында шаш сәндеуден байқау өтті

2020 жылғы 13 тамыз 00:37
Бөлісіңіз:
СҚО-да жазасын өтеуші әйелдер арасында шаш сәндеуден байқау өтті

ПЕТРОПАВЛ. ҚазАқпарат – Солтүстік Қазақстан облысындағы ЕС-164/6 мекемесінде жазасын өтеп жатқан әйелдер шаш сәндеуден жарысты, деп хабарлайды «ҚазАқпарат» ХАА тілшісі.

Ұқсас жаңалықтар
Түркістанда Саттар Ерубаев шығармашылығына арналған байқаудың үздіктері анықталды Көкшетау тұрғыны Андронов мәдениетіне тән ыдыстардың сынықтары мен сүйектер тапты Алматыда көше фотографтарының көрмесі өтеді

СҚО Қылмыстық атқару жүйесі департаменті баспасөз қызметінің мәліметінше, ЕС-164/6 мекемесінде өткен «ең үздік сәнді шаш» байқауына қатысуға барлық отрядтар тілек білдірген. Конкурсант қыздар алдын ала сән үлгісін таңдап, оған қажет түйреуіш-қыстырғыштарды әзірлеп, өз жұмыстарына таныстырылым жасады.

«Әйелдер қайда жүрсе де сұлулыққа, әдемілікке жақын болады. Біздің мекемеде жазасын өтеп жатқан қыз-келіншектер де қатаң тәртіпке қарамастан үсті-бастарына қарап, үнемі таза киініп, шаштарын сәндеп жүреді. Ал эстетикалық байқаулар ұйымдастырғанда одан қалмауға тырысады. Бұл жолы да қатысуға тілек білдіргендер көп болды», - дейді СҚО ҚАЖД «ЕС-164/6 мекемесі» РММ жазасын өтеушілер арасында тәрбиелік және әлеуметтік-психологиялық қызметтің басшысы Оксана Вышар.

Байқауға қатысушылардың қиялы мен шеберлігіне қазылар алқасы таң қалды. Қыз-келіншектер шаштараз өнерінің түрлі бағыты мен стилін қамтыды. Бірінші отрядтың әйелдері той-мерекеге арналған классикалық үлгілерді таңдап, шашты маржандармен, гүлдермен безендірсе, екінші отрядтан қатысушылар «модерн» стилін таңдады. Олар шашты түрліше өрсе, 3 отрядтың конкурсанттары заманауи сән үлгілерін көрсетуге тырысты.

«Отрядтар арасында өткен шығармашылық байқау қатысушылардың ғана емес, олардың өнерін байқап, бағалап отырған көрерменнің де қызығушылығын тудырды. Қазылар алқасына, әсіресе ер адамдарға қатысушылардың ішінен жеңімпазды анықтау қиын болды. Мұндай байқаулар жазасын өтеушілердің көңіл күйіне жақсы әсер етеді, жаман ойдан арылтып, болашаққа үміт сыйлайды», - дейді Оксана Вышар.

Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT