+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

СҚО-да жабайы үйректерден құс тұмауы анықталды

2021 жылғы 21 маусым 20:44
Бөлісіңіз:
СҚО-да жабайы үйректерден құс тұмауы анықталды

ПЕТРОПАВЛ. ҚазАқпарат – Солтүстік Қазақстан облысының Айыртау ауданында жабайы үйректерден құс тұмауы расталды, деп хабарлайды ҚазАқпарат тілшісі.

Өлген құсты жергілікті тұрғындар тапқан. Ветеринариялық қызметтің қызметкерлері талдау жасау және құстың қырылу себебін анықтау мақсатында биологиялық материалды жинаған.

Ветеринария басқармасының хабарлауынша, Нұр-Сұлтан қаласында өткізілген зерттеудің хаттамасына сәйкес, өлген үйректерде құс тұмауы болған.

Бұл ауданда үй құстарының құс тұмауын жұқтыру оқиғасы тіркелмеген. Су қоймасының маңында орналасқан елді мекендерде құстарды вакциналау жүргізілуде. Қазіргі кезде 5,7 мың құсқа екпе салынған.

Жағдайды мал дәрігерлері мен мүдделі ведомстволар қадағалап отыр, жергілікті тұрғындармен байланыс орнатылған. Жабайы өзге құстардың қырылуы тіркелмеген.

Еске сала кетейік, өткен күзде өңірде жеке үйлер мен құс фабрикаларында құс тұмауы өршіген болатын. Құс фабрикалары тек жақында ғана жұмыртқа өндірісінің көлемін арттыра бастады.


Біздің каналымызға жазылыңыз:

Бөлісіңіз:

Автор:

Бибіхан Серікова

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT