СҚО-да ыстан әжесі екі немересімен уланып қалды
«Жылыту маусымы басталғаннан жер үйлерде 1612 өрт оқиғасы болды. Өрт салдарынан 42 адам, тағы 6 адам газдан уланып көз жұмды», - дейді Владимир Беккер.
Комитет төрағасының айтуынша, өткен жылдың осы уақытымен салыстырғанда өрт оқиғасы 21% азайған.
«Былтырғы жылдың осы кезеңімен салыстырғанда, өрт салдарынан көз жұмғандар саны 18% азайған, сондай-ақ улы газбен улану салдарынан көз жұмғандар саны 5 есе азайған», - дейді ол.
Сонымен қатар, Владимир Беккер ыстан уланғандар туралы айтты.
«Солтүстік Қазақстан облысы, Қызылжар ауданында орналасқан екі қабатты үйдің бірінші қабатындағы пәтерде көмірді дұрыс жақпау салдарынан үш адам, атап айтқанда 1962 жылғы үй иесі мен оның 2001, 2005 жылғы екі немересі ыстан уланып, ауруханаға жатқызылды. Пешті пайдалану ережелерін сақтамаудың соңы осындай қайғылы жағдайларға алып келуде», - дейді ол.