Қолданушы баптаулары
Қолданушы баптаулары
+7 (701) 759 90 19 Лента
USD 386.34 EUR 427.25
RUB 5.88 CNY 54.57
Jańalyqtar

СҚО-да учаскелік инспектор құдыққа құлаған сәбиді құтқарды

2019 жылғы 16 шілде 17:54
Бөлісіңіз:
СҚО-да учаскелік инспектор құдыққа құлаған сәбиді құтқарды

ПЕТРОПАВЛ. ҚазАқпарат – Солтүстік Қазақстан облысында учаскелік инспектор құдыққа құлаған 2,5 жасар сәбиді құтқарды, деп хабарлайды ҚазАқпарат тілшісі.

Ұқсас жаңалықтар
Балабақшада балаларға қол көтерген тәрбиеші хабарсыз кетті Слаймдар балалардың денсаулығына қауіпті ме Шымкентте 2 мыңдай жасөспірімнің ата-анасы әкімшілік жауапқа тартылған

Облыстық Полиция департаменті баспасөз қызметінің хабарлауынша, оқиға 1 маусымда Ғ.Мүсірепов ауданында болған. Алайда, тәртіп сақшысы баланы құтқарғандығы жөнінде ешкімге тіс жармаған. Бұл оқиға жайында зейнеткер Қошан Малғаждаров қоғамдық қабылдау кезінде айтып, учаскелік инспектор Алтынбек Оразалиевке ризашылығын білдірді.

Новоишимка ауылының тұрғыны 4 және 2,5 жасар баласын ертіп мереке өтіп жатқан орталық алаңға барған. Бір уақытта кіші ұлынан көз жазып қалады. Баланы іздеуге ауылдастары да жұмылғанымен, ол нәтиже бермеген. Әйел сол күні мерекеде кезекшілікте жүрген учаскелік инспектордан көмек сұрайды.

«Мен өзім 5 баланың әкесімін. Сол себепті осы жастағы нәрестеден не күтуге болатынын білемін. Жақын маңды қарауға кірісіп, ақырын шыққан бала дауысын естідім. Маған ол жер астынан естілгендей болды. Шындығында солай болып шықты. Нәресте суы кепкен, шөп басқан ескі құдыққа құлап кетіпті. Құдықтың беті дұрыс жабылмаған екен», - дейді Алтынбек Оразалиев.

Инспектор қорыққан, жылаған, бірақ дене жарақатынан аман баланы құдықтан алып шығып анасына табыстаған. Ол өзінің бұл әрекетін ерлік деп бағаламайды. Айтуынша, оның орнында әркім солай істер еді. Әрі учаскелік инспектор болғандықтан тұрғындарға көмектесуді өзінің міндеті деп біледі.

Алтынбек Оразалиев полицияға қызмет етуге осыдан 11 жыл бұрын келген екен. 42 жастағы тәртіп сақшысы сол уақыттан бері Ғ.Мүсірепов ауданында абыроймен еңбек етіп келеді.

Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT