+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

СҚО-да тұрғындардың орташа айлық шығыны шамамен 24 пайызға өсті

2021 жылғы 23 қыркүйек 21:18
Бөлісіңіз:
СҚО-да тұрғындардың орташа айлық шығыны шамамен 24 пайызға өсті

ПЕТРОПАВЛ. ҚазАқпарат – Солтүстік Қазақстан облысында тұрғындардың күнделікті шығыны артқан. Қазір бір адам айына 76 мың теңге жұмсайтын болған, бұл былтырғыдан 23,6 пайызға артық, деп хабарлайды ҚазАқпарат тілшісі.

Ұқсас жаңалықтар
СҚО-да екі аптада коронавирусты жұқтыру көрсеткіші 1,7 есе артты СҚО-да шектеулер тағы да қатаңдатылды Петропавлда биыл 122 сотталған өтемақы қорына 6 млн теңгеге жуық мәжбүрлі төлем жасауы тиіс

Ұлттық статистика бюросының СҚО департаментінің мәліметінше, үй шаруашылықтарын зерттеу деректеріне сәйкес биылғы ІІ тоқсанда орташа жан басына шаққандағы халықтың ай сайынғы ақшалай шығысы 76,3 мың теңгеге жеткен. Бұл өткен жылдан 23,6 %-ға артық.

«Бұл ақшаның ең үлкен үлесі – 89,9 %-ы тұтыну шығысы. Оның жартысынан астамы азық-түлікке жұмсалады. Ал 27,9 %-ы азық-түлік емес тауарларын сатып алуға, 13,9 %-ы ақылы қызметтерге кетеді. Материалдық көмекке, алиментке, несие мен қарызды өтеуге, салыққа 10,1 % жұмсалады», - делінген хабарламада.

Азық-түлікке жұмсалатын қаражаттың үлкен бөлігі – 26,9 %-ы ет және ет өнімдерін, 17 %-ы жарма өнімдерін алуға жұмсалады. Ал азық-түлік емес тауарлар тобында 21 %-ын киім мен аяқ киім алған. Қалалықтар бұл мақсатқа 5 %-ға артық қаражат жұмсайды.

Ақылы қызметтер шығыстарында қаражаттың 35,1 %-ы тұрғын үй-коммуналдық қызметтер ақысына, тұрғын үйді күтіп ұстау мен жөндеуге, 30,7 %-ы көлік және байланыс қызметтеріне, 7,6 %-ы білім беруге жұмсалады. Қалалықтардың ақылы қызметтерге жұмсаған ақшалары ауылдықтардың шығысынан 1,7 есе асып түскен.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT