Қолданушы баптаулары
Қолданушы баптаулары
+7 (701) 759 90 19 Лента
USD 378.17 EUR 429.11
RUB 5.88 CNY 56.48
Jańalyqtar

СҚО-да тұрғын үй қазандығы жарылды

2019 жылғы 17 наурыз 21:38 501
Бөлісіңіз:
СҚО-да тұрғын үй қазандығы жарылды

ПЕТРОПАВЛ. ҚазАқпарат - СҚО Аққайың ауданының орталығы Смирново елдімекенінде тұрғын үйдің қазандығы жарылды, деп хабарлайды ҚазАқпарат тілшісі.

СҚО Төтенше жағдай департаменті баспасөз қызметінің мәліметінше, оқиға наурыздың 16 күні күндізгі он бірлер шамасында болған. «Новостройка» тұрғын үй кооперативіне қарайтын Суворов көшесі, 73 мекенжайындағы 2 қабатты 18 пәтерлік екі үйдің бөлек тұрған қазандығы жарылған. Салдарынан ғимараттың шатыры мен қабырғаларына зақым келді. Қаза тапқандар мен зардап шеккендер жоқ.

Мамандардың айтуынша, отын-көмірмен жылытылатын қазандықтың, алдын ала болжам бойынша, салқындатқыш сұйықтығы қызып кетуі мүмкін.

Оқиға орнында төтенше жағдай бойынша аудандық бөлімнің мамандары мен жергілікті атқарушы органдардың қызметкерлерінен құралған топ жұмыс істеді. Ал 3,5 сағаттан кейін жылыту жүйесі қалпына келтірілді. 

 

 

Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059
MURAǴAT